බෝසතුන් හා සහජාත (එක්ව උපන්) පුද්ගලයන් හා වස්තු
.
යම් කලෙක අප මහ බෝසතාණන් වහන්සේ ලුම්බිණි නම් උයනෙහි වෙසක් මස පුර පසළොස්වක් පෝ දිනයෙහි උපන් සේක්ද එවේලෙහිම රාහුල මාතාවය, ඡන්න ඇමැති ය, කාළුදායි ඇමැති ය, කන්ථක නම් අශ්ව රාජයා ය, අස්වත්ථ බෝධි වෘක්ෂය, සතර මහා නිධානය යන මේ වස්තු ද පහළ විය.

උපතේ සිට බුද්ධත්වයට පත්වනතුරු විවිධ අවස්ථාවල දී උන්වහන්සේ පිළිබඳ නන් වැදෑරුම් සිදුවීම්වලදී මේ පුද්ගලයන් හා ස්ථාන ඒ උදාර ජීවිතය හා සබැඳී පැවැතුණු බව පෙනේ. උදාහරණ වශයෙන් උන්වහන්සේ ගිහි ගෙයින් නික්ම යද්දී කන්ථක අසු මෙන්ම ඡන්න ඇමැතියා ද මහෝපකාරී විය. පසුව ඡන්න පැවිදි වී මඳක් සෙරිචාරීව සිට පසුව බ්‍රහ්ම දණ්ඩය පමුණුවා ඒ මඟින් නිවන් මඟට සැපැත් වීම උදාහරණ වශයෙන් දැක්විය හැකි ය.
.
මුදුන පිටුවෙනි via Facebook Pages http://ift.tt/1GMS4Lf