Monthly Archives: March 2015

ධම්මානුස්සති භාවනාව – ධර්මයෙහි ගුණ මෙනෙහි කිරීම ධර්මයේ හාස්කම… මේ ලෝකය වියළි කත…

ධම්මානුස්සති භාවනාව – ධර්මයෙහි ගුණ මෙනෙහි කිරීම

ධර්මයේ හාස්කම…
මේ ලෝකය වියළි කතරක් නම්, ඒ වියළි කතර තෙමා ඇද හැළෙන දිය දහරාව තමයි සම්මා සම්බුදු මුවින් පිටවුණ ඒ ශ‍්‍රී සද්ධර්මය. බුදුරජාණන් වහන්සේගේ ධර්මය අහල මේ ශෝක වැලපීම් තිබුණ සන්තානයන් පිරිසිදු කරගෙන සුවපත් වුණා. අංගුලිමාල වගේ නපුරු චිත්ත සන්තාන තිබුණු නපුරු ගති තිබුන මිනිසුන් මල් පෙත්තක් වගේ සිනිදු ගතිගුණ ඇති කරගත්තේ බුදුරජාණන් වහන්සේගේ ධර්මය තුළින්. සිහි විකල් වෙලා පාරක් පාරක් ගානෙ දිව ගිය පටාචාරා වැනි අහිංසක කාන්තාවන් වීරෝධාර, බලසම්පන්න, ගුණසම්පන්න භික්ෂුණීන් බවට පත්වුනේ බුදුරජාණන් වහන්සේගේ ධර්මය තුළින්.

ජීවිතයට ධර්මය….
ඔබේ ජීවිතය සුවපත් කරන්නත් බුදුරජාණන් වහන්සේගේ ධර්මයට පුළුවනි. ඒ බුදුරජාණන් වහන්සේගේ ධර්මය තමයි චතුරාර්ය සත්‍යය ධර්මය. ඔබ උදෑසන අවදිවෙන කොට ඒ චතුරාර්ය සත්‍යය ධර්මය ගැන ශ‍්‍රවණය කරන්නට ලැබෙනවා නම්, චතුරාර්ය සත්‍යය ධර්මය අසන්නට ලැබෙනවා නම්, ඔබට සිහි කරන්නට ලැබෙනවා නම්, ඔබ දුර්ලභ දෙයක් හිතන කෙනෙක්.

ඒ බුද්ධිමය පරිවර්තනය ලඟා කරගන්න…
බුදුරජාණන් වහන්සේලා පහළ වීමේ ඉලක්ක දෙකක් නෑ. එකම ඉලක්කයයි තියෙන්නෙ. ඒ තමයි චතුරාර්ය සත්‍යය ධර්මය කියා දීම. චතුරාර්ය සත්‍යය ධර්මය අවබෝධ කරගැනීමෙන් දුකට පත් සත්වයා සැප කරා යනවා. සංසාර ගමන තුළ ඉපදෙමින් මැරෙමින් භව ගමනක යන සත්වයා ඒ සතර අපා දුකින් නිදහස් වෙලා භව ගමනින් නිදහස් වෙලා සදාකාලික සැප ඇති අමා නිවන කරා යනවා. මේ නිසා මේ චතුරාර්ය සත්‍ය ධර්මය අවබෝධ කිරීම කියල කියන්නෙ මනුෂ්‍ය සන්තානයක ඇතිවුණ බුද්ධිමය හාස්කමක්. බුද්ධිමය පරිවර්තනයක්. බුද්ධිමය පෙරළියක්. ඒ නිසා ඒ බුද්ධිමය හාස්කම, ඒ බුද්ධිමය පරිවර්තනය සිද්ධ වන්නට නම් ඒ බුදුරජාණන් වහන්සේගේ ධර්මය ඔබ දැනසිටිය යුතුයි.

අසිරිමත් සදහම් ගුණ …
ඒ චතුරාර්ය සත්‍යය ධර්මය මනාකොට දේශනා කරපු නිසා ඒ ධර්මය ස්වාක්ඛාත වන සේක. ඒ ධර්මය මේ ජීවිතයේදී දැක්ක හැකි නිසා ඒ ධර්මය සන්දිට්ඨික වන සේක. ඒ ධර්මය ඕනෑම කාලයක අවබෝධ කළ හැකි නිසා අකාලික වන සේක. ඒ වගේම ඒ ධර්මය ඇවිත් බලන්න කියල ඕනෑම කෙනෙකුට පෙන්වා දිය හැකි නිසා ඒහිපස්සික වන සේක. ඒ ශ‍්‍රී සද්ධර්මය තමා තුළට පමුණුවාගෙන, තමා තුළ දියුණු කරගත යුතු නිසා ඕපනයික වන සේක. ඒ ශ‍්‍රී සද්ධර්මය ඕනෑම බුද්ධිමත් කෙනෙකුට තමාගේ බුද්ධිය මෙහෙයවා සාක්ෂාත් කරන්නට පුළුවන් නිසා, පච්චත්තං වේදිතබ්බෝ විඤ්ඤූුහී වන සේක.
වෙන කිසිවකින් ලැබෙන්නෙ නෑ…
මෙන්න මේ ආකාරයට ඔබ නිති පතා වඳින පුදන, ඒ ශ‍්‍රී සද්ධර්මයේ ගුණාංග සිහිකිරීම ධම්මානුස්සති භාවනාවයි. ධම්මානුස්සති භාවනාව යම්කිසි කෙනෙකුට කරගන්නට පුළුවන් වෙන්නෙ ඒ කෙනා බුදුරජාණන් වහන්සේගේ ධර්මය දැන සිටියොත් පමණයි. ඒ නිසා ඔබට ලැබෙන මේ සුන්දර පණිවිඩය ඔබේ ජීවිතයේ ඔබ කොතරම් රූපවාහිනිය නැරඹුවත්, කොතෙකුත් පොත් පත් බැලූවත්, කොතෙකුත් පුවත් පත් බැලූවත්, නවකතා – කෙටිකතා කියෙව්වත්, නොයෙකුත් වැඩසටහන්වලට සවන් දුන්නත් ඒ කිසිම දෙයකින් ඔබට ලැබුණේ නැහැ. ඔබේ හදවතේ දුක් දොම්නස් පහ කරන්නට සමත් වුණේ නෑ.
නමුත් ඔබ බුදුරජාණන් වහන්සේගේ ධර්මයට සවන් දුන්නා නම්, බුදුරජාණන් වහන්සේගේ ධර්මය ඔබේ හද මඬලේ තැන්පත් කරගත්තා නම්, බුදුරජාණන් වහන්සේ වදාළ ධර්මය ඔබේ ජීවිතය තුළින් සිතන්න පටන් ගත්තා නම්, ඔබ ඒ ධර්මය තුළින් ලෝකය දකින්න පටන් ගත්තා නම්, ඔබේ ජීවිතය ටිකෙන් ටික සුවපත් වෙන්න පටන් ගන්නවා. ඔබ ධර්මය තුළට යන සැනසිලි ජීවිතයක් ගත කරන කෙනෙක් බවට පත්වෙනවා. අන්න ඒ නිසා ධම්මානුස්සති භාවනාවේ මේ මොහොතේ ඉඳලා යෙදෙන්න. ධම්මානුස්සති භාවනාවේ ස්වල්ප වෙලාවක් හෝ යෙදෙමින් ඔබේ ජීවිතය තුළට ඒ ධර්මය ලබාගන්න.

– ධම්මානුස්සති භාවනාව –

ස්වාක්ඛාත ගුණය
මාගේ ස්වාමී වූ බුදුරජාණන් වහන්සේ විසින් ඉතාම යහපත් ලෙස ශ‍්‍රී සද්ධර්මය දේශනා කරන ලදී. එම ශ‍්‍රී සද්ධර්මයේ ආරම්භය වූ සීලයත් ඉතාම යහපත්ය. එහි මැද කොටස නම් වූ සමාධියත් ඉතාම යහපත්ය. එහි අවසාන කොටස නම් වූ ප‍්‍රඥාවත් ඉතාම යහපත් කොට දක්වන ලද්දේය. අර්ථ සහිතව පෙන්වා දෙන ලද්දේය. පැහැදිලි වචන වලින් පෙන්වා දෙන ලද්දේය. අතිශයින් ම පරිපූර්ණ වූ පාරිශුද්ධ වූ නිකෙලෙස් ජිවිතය පෙන්වා දෙන ලද්දේය.
එම නිසා භාග්‍යවතුන් වහන්සේ විසින් වදාරණ ලද ශ‍්‍රී සද්ධර්මය ඉතා යහපත් කොට වදාළ හෙයින් ස්වාක්ඛාත වන සේක. මෙසේ ස්වාක්ඛාත වූ ශ‍්‍රී සද්ධර්මය මම සරණ යමි. මෙසේ ස්වාක්ඛාත වූ ශ‍්‍රී සද්ධර්මයට මාගේ නමස්කාරය වේවා!

සන්දිට්ඨික ගුණය
මාගේ ස්වාමී වූ බුදුරජාණන් වහන්සේ විසින් මහා කරුණාවෙන් වදාරණ ලද ශ‍්‍රී සද්ධර්මය මේ ජීවිතය තුළ දී ම අවබෝධ කළ හැකි වන සේක. ඒ ශ‍්‍රී සද්ධර්මය සීල, සමාධි, ප‍්‍රඥා වශයෙන් දියුණු කළ හැකි වන සේක. ඒ ශ‍්‍රී සද්ධර්මය සෝවාන් මාර්ග – ඵල, සකදාගාමී මාර්ග – ඵල, අනාගාමි මාර්ග – ඵල, අරහත් මාර්ග – ඵල වශයෙන් අවබෝධ කර ගත හැකි වන සේක. ඒ ශ‍්‍රී සද්ධර්මය චතුරාර්ය සත්‍යය ධර්මය වශයෙන් මේ ජීවිතයේදීම අවබෝධ කළ හැකි වන සේක.
මෙසේ භාග්‍යවතුන් වහන්සේ විසින් දේශනා කොට වදාළ ශ‍්‍රී සද්ධර්මය මේ ජීවිතයේදීම අවබෝධ කළ හැකි නිසා සන්දිට්ඨික වන සේක. මෙසේ සන්දිට්ඨික වූ ශ‍්‍රී සද්ධර්මය මම සරණ යමි. මෙසේ සන්දිට්ඨික වූ ශ‍්‍රී සද්ධර්මයට මාගේ නමස්කාරය වේවා!

අකාලික ගුණය
මාගේ ස්වාමී වූ බුදුරජාණන් වහන්සේ විසින් දේශනා කරන ලද ශ‍්‍රී සද්ධර්මය ඕනෑම කාලයකදී ඒ ආකාරයෙන්ම අවබෝධ කළ හැකි වන සේක. ඒ ධර්මයේ සඳහන් වන සීල, සමාධි, ප‍්‍රඥා හෝ මාර්ග ඵල හෝ චතුරාර්ය සත්‍යයාදී ධර්මයන් සදාකාලික සත්‍යයක් වශයෙන් පවතින නිසා ඕනෑම කාලයකට අවබෝධ කළ හැකි වන සේක.
මෙසේ අතීත, අනාගත, වර්තමාන භේදයකින් තොරව භාග්‍යවතුන් වහන්සේ විසින් වදාරන ලද ශ‍්‍රී සද්ධර්මය අවබෝධ කළ හැකි නිසා අකාලික වන සේක. මෙසේ අකාලික වූ ශ‍්‍රී සද්ධර්මය මම සරණ යමි. මෙසේ අකාලික වූ ශ‍්‍රී සද්ධර්මයට මාගේ නමස්කාරය වේවා!

ඒහිපස්සික ගුණය
මාගේ ස්වාමී වූ බුදුරජාණන් වහන්සේ විසින් දේශනා කරන ලද ශ‍්‍රී සද්ධර්මය ඇවිත් බලන්නැ’යි දක්වාලන, දෙව් මිනිසුන් අතරට විවෘත භාවයට පත් වූ සේක.
රහස් බණ, රහස් උපදෙස්, සැඟවී කතා බස් කිරීම් නොමැති මේ ශ‍්‍රී සද්ධර්මය හිරු මඬල දක්වන්නා සේ සඳමඬල දක්වන්නා සේ හඬ නගා පෙන්වා දිය හැකි සේක. මෙසේ නුවණින් විමසා බලන්නැ’යි දෙව් මිනිස් ලෝකයා හමුවේ විවෘතව තබන ලද නිසා, භාග්‍යවතුන් වහන්සේ විසින් වදාරණ ලද ශ‍්‍රී සද්ධර්මය ඒහිපස්සික වන සේක.
මෙසේ ඒහිපස්සික වූ ශ‍්‍රී සද්ධර්මය මම සරණ යමි. මෙසේ ඒහිපස්සික වූ ශ‍්‍රී සද්ධර්මයට මාගේ නමස්කාරය වේවා!

ඕපනයික ගුණය
මාගේ ස්වාමී වූ බුදුරජාණන් වහන්සේ විසින් දේශනා කරන ලද ශ‍්‍රී සද්ධර්මය මනාකොට ශ‍්‍රවණය කිරීමෙන්ද, මනාකොට ධාරණය කිරීමෙන්ද, වචනයෙන් පුරුදු කිරීමෙන්ද, නුවණින් මෙනෙහි කිරීමෙන්ද, ධර්මානුධර්ම ප‍්‍රතිපත්තියේ යෙදීමෙන්ද, තම තමන් ගේ ජීවිත තුළට පමුණුවා ගත යුතු හෙයින් ඕපනයික වන සේක.
මෙසේ ඕපනයික වූ ශ‍්‍රී සද්ධර්මය මම සරණ යමි. මෙසේ ඕපනයික වූ ශ‍්‍රී සද්ධර්මයට මාගේ නමස්කාරය වේවා!

පච්චත්තං වේදිතබ්බ විඤ්ඤූහී ගුණය
මාගේ ස්වාමී වූ බුදුරජාණන් වහන්සේ විසින් දේශනා කරන ලද ශ‍්‍රී සද්ධර්මය වනාහී ඕනෑම ජාතියක, ඕනෑම ගෝත‍්‍රයක, ඕනෑම කුලයක, කපටි නැති, මායා නැති, අවංක ගති ඇති ප‍්‍රඥාවන්තයින් හට තම තම නැණ පමණින් වෙන් වෙන් වශයෙන් අවබෝධ කළ හැකි නිසා පච්චත්තං වේදිතබ්බෝ විඤ්ඤූුහී වන සේක.
මෙසේ පච්චත්තං වේදිතබ්බෝ විඤ්ඤූුහී වන ශ‍්‍රී සද්ධර්මය මම සරණ යමි. මෙසේ පච්චත්තං වේදිතබ්බෝ විඤ්ඤූුහී වන ශ‍්‍රී සද්ධර්මයට මාගේ නමස්කාරය වේවා!

අර්ථය දැනගෙන ගාථා කියමු පදුමුත්තර බුදුහිමියන් පෙර භවයක ආනන්ද ස්වාමින් වහන්සේ, ම…

අර්ථය දැනගෙන ගාථා කියමු

පදුමුත්තර බුදුහිමියන් පෙර භවයක ආනන්ද ස්වාමින් වහන්සේ, මතු භවයක අග්‍රඋපස්ථායක තනතුර පැතූවිට ඒ සඳහා ආශීර්වාද කල ගාථාව.
[428 පිට, දීඝනිකායට්ටකථා 1]

කවුරු හරි මැරුණට පස්සෙ නෑදෑයො එකතු වෙලා කෙහෙවලු කඩාගෙන හඬා වැලපෙනව. ‘අනේ! අපේ මේ…

කවුරු හරි මැරුණට පස්සෙ නෑදෑයො එකතු වෙලා කෙහෙවලු කඩාගෙන හඬා වැලපෙනව. ‘අනේ! අපේ මේ ඤාතියා අමරණීය වේවා! කියල කියනව. ඊට පස්සෙ රෙද්දකින් ඔතල දර සෑයට දාල ගිනි තියනව.

හැම සම්පතක් ම අතහැරල ඒ මැරුණ කෙනා අන්තිමේ දී එක ම එක වස්ත්‍රයකින් ඔතාගෙන හුල් වලින් පහර කාල පිච්චිලා යනව. අවසන් වෙනව. ඒ මැරුණ කෙනා ගෙ ආරක්ෂාවට නෑදෑයො, යාළු මිත්‍රයො කවුරුත් නෑ.

එයා ගෙ වස්තුව උරුමක්කාරයො ඇවිල්ල අරගෙන යනව. කර්මානුරූපව එයා එයා ගෙ ගමන ගියා. නමුත් එයා ගෙ පස්සෙන් යන්න අඹු දරුවන් මිල මුදල් රට රාජ්‍ය මොකවත් නෑ.

(රට්ඨපාල සූත්‍රය – මජ්ඣිම නිකාය 02)

තථාගත අරහත් සම්මා සම්බුදු රජාණන් වහන්සේ නමක ලොව පහළ වී මේ සංසාරික ජීවිතය පිළිබඳ…

තථාගත අරහත් සම්මා සම්බුදු රජාණන් වහන්සේ නමක ලොව පහළ වී මේ සංසාරික ජීවිතය පිළිබඳ ඉතාමත් පැහැදිලිව ධර්මය දේශනා කරන්නේ අකුසලයෙන් මිදී කුසල් වඩා සතර අපායේ නොවැටී සංසාර දුකෙන් අතමිදීමටයි. සතර අපායට අයත් වන ප්‍රථම ස්ථානය වන්නේ නිරයයි. බොහෝ දෙනකු පිළිනොගන්නා ස්ථානය බවට පත්වී තිබෙන්නේ නිරයයි. තමන්ගේ පියෙවි ඇසට දැක ගැනීමට නොහැකි නිසා අපාය, දිව්‍යලෝක පිළිබඳත් ප්‍රේත ලෝක පිළිබඳත් බොහෝ දෙනෙක් පිළි නොගනිමින් තමාට කැමැති පරිදි කම් සැප විඳිමින් අකුසල් කරමින් මරණින් පසුව නිරයට වදිති. එබැවින් මේ ලිපිය මඟින් එවන් චින්තනයක් දරන ඇත්තන්ට නිරය පිළිබඳ යම් හැඟීමක් ඇතිකොට නිරයට යෑමට හේතුවන කරුණුවලින් මුදවාලීමට උත්සාහ ගැනේ.

නිරය පිළිබඳ සවිස්තරාත්මක කරුණු මජ්ඣිම නිකායේ තෙවැනි කොටසේ දේවදූත සූත්‍රය තුළින් ඉදිරිපත් කර ඇත. එහිදී නිරයට වැටෙන සත්වයාට දුක් විඳීමට සිදුවන ආකාරය අප භාග්‍යවතුන් වහන්සේ ඉතා මැනවින් දේශනා කොට තිබේ. කෙසේ නමුත් මේ ලිපිය මඟින් පැහැදිලි කෙරෙන්නේ නිරයට යෑමට හේතුවන කරුණු කාරණාවන්ය. මේ ලිපිය සඳහා අංගුත්තර නිකායෙහි දෙවැනි කොටසෙහි චතුක්ක නිපාතයෙහි පළමුවැනි නිරය – සග්ගනික්ඛිත්ත සූත්‍රයේ සිට නවවැනි නිරය – සග්ගනික්ඛිත්ත සූත්‍රය දක්වා සූත්‍ර උපයෝගී කර ගැනේ.

පළමුවැනි නිරය – සග්ග නික්ඛිත්ත සූත්‍රයට අනුව යම් කෙනෙකු තුළ පහත සඳහන් අගුණ දම් තිබේ නම් නිරයට යෑමට සිදුවේ. යමකු කාය දුශ්චරිතය, වචී දුශ්චරිතය, මනෝ දුශ්චරිතය හා මිථ්‍යා දෘෂ්ඨිය ඇතිව වාසය කරයි නම් මෙලොවින් සමුගන්නා විට ගෙනවුත් බහා තබන ලද්දක් සෙයින් නිරයේ උපදී. එමෙන්ම දුතිය නිරය සග්ග නික්ඛිත්ත සූත්‍රයට අනුව, කාය, වචී, මනෝ යන දුශ්චරිතවලට අමතරව යම් කෙනකු අකෘතඥව කටයුතු කරන්නේ නම් එයද නිරයට යෑමට හේතුවන්නකි. සතුන් මැරීම, සොරකම් කිරීම, වැරැදි කාම සේවනය සහ බොරු කීම යන වැරැදි ක්‍රියා සතර යමකු සිදුකළහොත් එයද නිරයට යෑමට හේතු වෙන බව තෙවැනි නිරය – සග්ග නික්ඛිත්ත සූත්‍රයෙන් දැක්වේ. සතරවැනි නිරය – සග්ග නික්ඛිත්ත සූත්‍රයට අනුව, යම් කෙනකු මිථ්‍යාදෘෂ්ඨික වුවහොත් එමෙන්ම මිථ්‍යා සංකල්පයෙන් යුක්ත වේ නම් මිථ්‍යාවාචාවෙන් යුක්ත වේ නම් මිථ්‍යා කර්මාන්තයෙන් යුක්ත වේ නම් ඔහුට හෝ ඇයට නිරයේ ඉපදීමට සිදුවේ.

පස්වැනි නිරය – සග්ග නික්ඛිත්ත සූත්‍රයට අනුව, යම් කෙනකු මිථ්‍යාජීවයෙන් යුක්ත නම් මිථ්‍යා ව්‍යායාම්වලින් යුක්ත නම් මිථ්‍යා සතියෙන් යුක්ත නම් මිථ්‍යා සමාධියෙන් යුක්ත නම් ගෙනවුත් බහා තබන සෙයින් නිරයේ ඉපදීමට සිදු වන්නේය. සය වැනි නිරය සග්ග නික්ඛිත්ත සූත්‍රයට අනුව, යම් කෙනකු තමන් නොදුටු රූපායතන ගැන දැකගත්තා යයි හඟවන්නේ නම් නොඇසූ ශබ්දායතන පිළිබඳ ඇසුවා යැයි ප්‍රකාශ කරයි නම් අනෙකුත් ආයතන පිළිබඳ ඒවා විඳගත් බව නොවිඳම ප්‍රකාශ කරයි නම් අනවබෝධාත්මක ධර්මය අවබෝධ බව හඟවන්නේ නම් එයද නිරයේ ඉපදීමට හේතු වෙයි. එමෙන්ම සත්වැනි නිරය – සග්ග නික්ඛිත්ත සූත්‍රයට අනුව, රූපආයතන පිළිබඳ දැනීමක් ඇතිව නොදන්නා ලෙස සිටී නම් ශ්‍රවණායතන පිළිබඳ දැනීම ඇතිව නොදන්නා ලෙස සිටී නම් අනෙකුත් ආයතන පිළිබඳත් දැනගෙන නොදන්නා ලෙස සිටී නම් අවබෝධ කරගෙනම නොදන්නා ලෙස සිටී නම් ගෙනවුත් බහා තබන දෙයක් ලෙස නිරයේ උපදියි.

නිරයට යෑමට හේතුවන කරුණු මීළඟට දැන ගන්නට ලැබෙන්නේ අටවැනි නිරය – සග්ග නික්ඛිත්ත සූත්‍රයට අනුවයි. යමකුට ශ්‍රද්ධාව නැතිනම්, ශීලය නැතිනම්, පවට ලජ්ජා නැතිනම්, පවට බය නැතිනම් නිරයට යෑමට සිදුවෙයි. එමෙන්ම නවවැනි නිරය – සග්ග නික්ඛිත්ත සූත්‍රයට අනුව, යමකුට ශ්‍රද්ධාව නැතිනම්, ශීලය නැතිනම්, කම්මැලි නම්, ප්‍රඥාව නැතිනම් ගෙනවුත් බහා තබන ලෙස නිරයේ ඉපදීමට සිදුවෙයි.

ඉහත සඳහන් සූත්‍ර දේශනාවලට අනුව පෙනී යන්නේ සතුන් මැරීම, සොරකම් කිරීම සහ වැරැදි කාම සේවනය යන කාය දුශ්චරිතවල යෙදෙන, බොරු කීම, කේලාම් කීම, පරුෂ වචන කීම සහ හිස්වචන කීම යන වචී දුශ්චරිතවල යෙදෙන, දැඩි ලෝභය, තරහ, මිථ්‍යා දෘෂ්ඨිය යන මනෝදුශ්චරිතයේ යෙදෙන පුද්ගලයාට නිරයට යෑමට සිදුවන බවයි. එමෙන්ම අකෘතඥ කළගුණ නොදන්නා පුද්ගලයාටද නිරයට යෑමට සිදුවෙයි. දන්දීමෙහි විපාක නැත, පුද පූජා පැවැත්වීමේ විපාක නැත, ඇප උපස්ථාන කිරීමේ විපාක නැත, කුශලාකුශල කර්මවලට විපාක නැත, එලොව සිට එන අයට මෙලොවක් නැත, මෙලොව සිට යන අයට පරලොවක් නැත, මව යනු විශේෂ කෙනකු නොවේ, පියා යනු විශේෂ කෙනකු නොවේ, ඕපපාතිකව සත්වයන් උපදින්නේ නැත, මෙලොවත් පරලොවත් විශිෂ්ට නුවණින් දැනගෙන ධර්මය කියාදෙන ශ්‍රමණ බ්‍රාහ්මණයන් නැත යන මිථ්‍යාදෘෂ්ඨික අදහස් තිබේ නම් එයද නිරයට යෑමට හේතුවේ. කාම සංකල්පයෙන්, ව්‍යාපාද සංකල්පයෙන් සහ හිංසා සංකල්පයෙන් යුක්ත නම් නිරයට යෑමට සිදුවේ. වැරැදි ලෙස ධනෝපායනය කරමින් මිථ්‍යා ආජීවයෙන් කටයුතු කරයි නම්, මිථ්‍යා ව්‍යායාමයෙන් යුක්තව කටයුතු කරයි නම් එනම් නූපන් අකුසල් ඉපදවීමට උත්සාහ දරයි නම් උපන් අකුසල් වැඩි දියුණු කිරීමට උත්සාහ දරයි නම් නූපන් කුසල් ඉපදවීමට උත්සාහ නොදරයි නම් උපන් කුසල් වැඩි දියුණු කිරීමට උත්සාහ නොදරයි නම් නිරයට යෑමට හේතුවේ. එමෙන්ම මිථ්‍යා සමාධි ඇත්නම්, එයද නිරයගාමී වීමට හේතුවකි. එසේම තමා නොදුටු රූපායතන පිළිබඳ නොඇසූ ශබ්දායතන පිළිබඳ නොවිඳි අන් ආයතන පිළිබඳ අවබෝධ නොකළ ධර්ම පිළිබඳ තමා දැක ගත් බව තමා ඇසූ බව තමා විඳි බව තමා අවබෝධ කළ බව දැක්වීමද නිරයට යෑමට හේතුවන්නකි. එමෙන්ම දුටු රූපායතන පිළිබඳ ඇසූ ශබ්දායතන පිළිබඳ, විඳි අන් ආයතන පිළිබඳ, අවබෝධ කළ ධර්ම පිළිබඳ තමා නොදුටු බව, නොඇසූ බව, නොවිඳි බව, අවබෝධ නොකළ බව දැක්වීමද නිරයගාමීවීමට මඟ පාදයි. එමෙන්ම ශ්‍රද්ධාව නැතිවීම එනම් බුදුරජාණන් වහන්සේගේ අවබෝධය පිළිනොගැනීම, ශීලවන්ත නොවීම, පව් කිරීමට ලජ්ජා නැතිවීම, පව් කිරීමට බය නැතිවීම යන කරුණු නිසා නිරයට යාමට සිදුවේ.

නූතන සමාජයේ ඇතැම්හු කිසිදු බියකින් සැකයකින් තොරව පාපකාරී ක්‍රියාවල යෙදෙති. ඉතාමත් පහත් මට්ටමේ ක්‍රියාවලට පෙළැඹෙති. එහෙත් යමකු ඉහත සඳහන් පාපකාරී ක්‍රියා කළහොත් ඔහුට හෝ ඇයට ඉන් ගැලවීමක් නම් නැත. මෙලොවදී මොනතරම් කෙරුවාවල් කොට බේරුනත් නිරයේදි නම් ගැලවීමක් නැත. මෙහිදී අල්ලස් දී වෙනත් බලපෑම් කොට නීතියේ රැහැනින් ගැලවුණත් නිරයට ගියවිට යමරජුට අල්ලස් දී යමපල්ලන්ට බලය පෙන්වා බේරීමට නොහැකි බව කොයි කව්රුත් කල්පනා කළ යුතුය. එබැවින් ඉහත කරුණු සැලකිල්ලට ගෙන, අපායට යෑමෙන් වැළැකී උතුම් ධර්මයට යොමු වී උතුම් චතුරාර්ය සත්‍යය අවබෝධ කරගැනීමට සෑම කෙනෙකුම අධිෂ්ඨාන කර ගන්න. තුනුරුවන්ගේ අනන්ත ආශිර්වාදයෙන් ඔබට ඒ වාසනාව භාග්‍යය උදාවේවා!

තෙරුවන් සරණයි!

පොල්පිටිමූකලානේ පඤ්ඤාසිරි හිමි – බුදුසරණ අන්තර්ජාල කලාපය

ක්‍ෂණසම්පත්තිය සහිත උතුම් මනුෂ්‍යය ආත්මයක් ලැබී ඇති මෙම බුද්ධෝත්පාද කාලය තුල කුසල් දහම්හි නිරත වී සසරින් එතරව ලබන සදාකාලික නිවන් සුවය ලබාගැනීමට මෙම ධර්ම දානය හේතුවාසනා වේවා!

සියළු දානයන් අතර ධර්ම දානයම අග‍්‍ර වන්නේය. මෙම සදහම් පණිවිඩය සියළු දෙනා අතර Share කර ධර්ම දානමය උතුම් පුණ්‍යකර්මයට ඔබත් දායක වන්න!

ද්වේශයෙන් ඇවිලුණු සිත මෙත් සිසිලසින් සුවපත් කරන්නට දිනපතා විනාඩි 5 ක් වත් මෙත්තා…

ද්වේශයෙන් ඇවිලුණු සිත මෙත් සිසිලසින් සුවපත් කරන්නට දිනපතා විනාඩි 5 ක් වත් මෙත්තා කරුණා භාවනාවක් වඩමු.

සතර මහා ධාතුවේ පෙනෙන හැඩතල වලට නිමිති (මම අම්මා පුතා ..) හදාගෙන ආත්ම වශයෙන් අරගෙ…

සතර මහා ධාතුවේ පෙනෙන හැඩතල වලට නිමිති (මම අම්මා පුතා ..) හදාගෙන ආත්ම වශයෙන් අරගෙන ඇලිලා බැඳිලා ඉන්නවා….
මේ ආහාරයෙන් වැඩුණු සතර මහා ධාතුවේ සත්වයෝ පුද්ගලයෝ ආත්ම නැහැ මයි.

ලෝක නිරෝධයටම යොමු කරන ගැඹුරු ධර්මයට සවන්දෙන්න ->