from Path to Nirvana https://ift.tt/33KW8Jb
මහා වංශයක මහා නගරය

බෞද්ධ අප විසින් හිස්මුදුනෙහි තබා වන්දනාමාන කරන අති උත්තම , පරම වන්දනීය පෙදසකි අනුරාධ පුරය. ඒ පූජනීය වු සුන්දර නිර්වාණ නගරය ගැන අප දන්නේ අප තිලෝගුරැ ගෞතම බුදුරජාණන් වහන්සේගේ සහ පින්වත් ගෞතම බුද්ධාංකුර මහරහතුන් වහන්සේලාගේ අතිශය නමස්කාර කලයුතු ධාතුන් වහන්සේලා ජීවමාන පෙළහර පාන්නාවූ පිවිතුරැ නගරයක් ලෙසය ..

සසර ගමන ඇවිදින අපට මෙතරම් අනුරාධ නගරය සෝභමාන ඇයි දැයි මා මෙසේ සදහන් කරමි..

මේ කල්පයෙහි බුදුරජාණන් වහන්සේලා සතර නමකගේ බෝ රැක් වලින් දකුණු ශාකාවන් ගෙනවුත් මෙහි රොපණය කරන ලද්දේය..
පෙර වැඩ වාසය කලාවූ සිවු බුදුවරැන් වහන්සේලා විසින් මිනිසුන්ගේ හිත සුව පිණිස ස්තූප පිහිටන ස්ඵානයක් ලෙස නිස්චිත වුයේ ..

මේ කල්පයෙහි පළමුවෙන් කකුසද නම් ශාස්තෘෘන්වහන්සේ කල මහමෙවුනා උයන මහාතිත්ඵ නම් විය…..එහි අභය නම් රජෙක් වීය .මේ දීපය ඕජදීප නම් විය.මිනිසුන්ට ඇතිවූවාවූ උණ රෝගයක් සංසිදවීමට වැඩමකල අප මහා කකුසද බුදුරජුන් ඒ උවදුරැ දැක එය නසා මේ දීපයෙහී ජනයාගේ හික්මවීමද සාශනයේ පිහිටුවීමද සතලිස්දහසක් මිනාසුන්ට මාර්ග පල අවබෝධකරවා ලූ සේක…මහා බෝධිය පිහිටවීමට සුදුසු තැනට ගොස් එහි සමාධියෙන් වැඩහිද … එයින් නැගී මාගේ මහරි බෝ රැකින් දක්ෂිණ ශාකාව රෑපනන්දා මෙහෙණි තමො රැගෙන ඒවා යැයි සිතූ තැන ඒ මහරහත් තෙරණිය බුදුරජුන්ගේ අදිටන දැන දක්ෂිණ ශාකා තමො රන්පාත්රයක වඩා හිදුවා දෙවි වරැන් විසින් පිරිවරන ලද්දී … බුදුරජුන් දිගුකල දකුණු හස්තයෙහි තැබුවාය …තඵාගතයන් වහන්සේ ඒ බෝධිය රැගෙන අභය නම් රජුට දුන් සේක ඒ රජ තෙමේ මහාතිත්ඨ නම් උයනෙහි ( අද මහමෙවුනො උයන ) මහා බෝ ශාකා පිහිටවූහ…

මේ කල්පයෙහි දෙවනුව සියලු ලෝ වැසියන් ට අනුකම්පා කරවූ කෝණාගමන නම් බුදුරජුන් කෙනෙක් වැඩ විසූ සේක ..එකල මේ ලංකාද්වීපය වරදීප නම් වීය .. මහමෙවුනා උයන මහානාම නම් වීය ..දකුණු දිශාවෙහි වඩ්ඪමාන නම් පුරයක් වීය එකල්හී මෙහි සමිද්ද නම් රජ කෙනෙකු රාජ්‍යය කරවීය.. කලක මෙ වරදීපය වැසි නොමැතිව නියං උවදුරක් විය …
අප මහා කෝණාගමන නම් බුදුරජුන් මෙය දැක මේ දීපයෙහි සාශනය ද විනයද පිහිටුවීමට මහා කරැණාවෙන් තිස්දහසක් මහරහතුන් පිරිවරා අහසින් වැඩ සුමනකූටක නම් පර්වතයෙහි වැඩවුන් සේක… එකල්හී අද වරදීපයේ මනුෂ්‍යයෝ මා දකිත්වා මා කරා එත්වා සියලු මනුෂ්‍යයෝ නිදුකින් වහා ම එත්වා යැයි අදිෂ්ඨාන කළ සේක .. පර්වත රශ්මියෙන් බබලන්නාවූ බුදුරජාණන් වහන්සේද බබලන්නාවූ පර්වතයද දැක රජ තෙමේත් නුවර වැසියෝත් ඒ පර්වතය දෙසට වහා පැමිණියහ… බුදුරජුන් මහානාම උයනේ උතුම් පර්‍යංකයක් කරවා සම්‍යක්සම්බුද්ධයන් වහන්සේ වැඩහිද වු සේක …
එකල්හී ඒ මහානාම උයන බුදරජුන්ට පූජා කරන විට අකාලයේ මල් පිපිනි ..මහපොළොව කම්පා වීය … බුදුරජුන් මාගේ උදුම්බර බොධී දක්ෂිණ ශාඛාව රැගෙන කණකදත්තා නම් මෙහණි තමෝ භික්ෂුනීන් සහිතව පැම්නෙත්වා යැයි සිතූ සේක…මහත් සෘද්ධි ඇත්තාවූ තෙරණි තමෝ එය දැක….. රජුත් සමග මහා බොධිය වෙත එලඹ රන්සිරිලියෙන් සලකුණු කොට එතැනින් කැපී වෙන්වෙන රන්බදුනෙහි පිහිටියාවූ ඒ ශාකා තමෝ රැගෙන සෘද්ධියෙන් මෙහණීන් වහන්සේ පන්සියයක් සහ දේවතාවුන් පිරිවරන ලද්දී …..මෙහි අවුත් ඒ සම්‍යක් සම්බුද්ධයන් වහන්සේ විසින් දිගු කල දක්ෂිණ හස්තයෙහි ඒ බෝධිය තැබුවොය …බුදුරජුන් වහන්සේ දක්ෂිණ උදුම්බර බොධි ශාකා තමෝ රෝපණය පිණිස රජු හට බාර කළසේක ..

මේ කල්පයෙහි තුන්වනුව සම්මාසම්බොධියට පත්වූ කාශ්‍යප නම් වූ සම්මාසම්බුදු රජාණන්වහන්සේ කෙනෙකුන් වැඩ විසූ සේක එකල මේ මහමෙවුනා උයන මහා සාගර නම් වීය එයින් පශ්චිම දිශාවෙහි විසාල නම් නතරයක් වීය …එකල මේ මහමෙවුනා උයන මහා සාගර නම් වීය එකල්හී මේ දීපයෙහි රජු ජයන්ත නම් වීය ලංකාද්වීපය මණ්ඩදීප නම් වී ය .. කලෙක ජයන්ත රජුද ඔහුගේ සහෝදරයාද මිනිසුන්ට පීඩා පමුනුවන යුද්ධයකට එලැඹියේය … මහා කරැණා ඇති කාශ්‍යප මුනීනිදුන් වහන්සේ එම යුද්ධයෙන් සත්වයන්ට පැමිණිය හැකි උවදුර දැක එය සංසිදුවා මේ දීපයෙහි සත්වයාගේ හික්මීම පිණිස මහා කරැණාවෙන් ම වැඩමවන ලද්දේය.. සවස් වේලෙහි පූර්ව බෝධිය පිහිටි තැනට වැඩමකල තඵාගතයන් වහන්සේ සමාධිගතව සිට එයින් නැගීසිට මාගේ නිග්රෝධ බෝධියෙන් දක්ෂිණ ශාකාව ගෙන සුදර්මා මෙහෙණිතමෝ මෙහෙණියන් පිරිවරා පැමිනෙත්වා යැයි සිතූ කල්හී උන්වහන්සේගේ සිත දැනගත් ඒ රහත් මෙහෙණිතමෝ රජු කැදවාගෙන ඒ මහ‍ බෝධිය කරැ එළඹ රන් පාත්රයක ඒ දක්ෂිණ බොධිශාකා තමෝ වැඩමවාගෙන මෙහෙණිවරැන් සහ දෙවියන් පිරිවරාගෙන සෘද්ධියෙන් වැඩම කර භාග්‍යවතුන් වහන්සේගේ දකුණු හස්තයෙහි තැබූ සේක. එකල බුදුරජුන් ඒ දක්ෂිණ ශාකා තමෝ ජයන්ත රජු හට මහා සාගර උද්‍යානයේ පිහිටවන ලෙස දුන් සේක…

මේ කල්පහෙහි සතරවෙනුවට සියලු ධර්මයන් අවබෝධ කලාවූ සියලු ලොවට අනුකම්පා කලාවූ ශාස්තෘ වූ අප මහා ගෞතම සම්මා සම්බුදු රජාණන් වහන්සේ පළමුකොට ලක්දිවට වැඩ යක්ෂයන් දමනය කල සේක දෙවනුව වැඩම කර නාගයන් දමනය කල සේක තෙවන වරට වැඩම කර පූර්ව බොධින් වහන්සේ පිහිටි තැනද මහ සෑය පවතින ස්ඵානය ද පාරිභොග ධාතු ස්ඵානද වැඩහිදීමෙන් පරිභෝග කොට එකල මේ දීපයෙහි මිනිසුන් නොසිටිය හෙයින් මනාකොට දෙවියන්ට , නාගයන්ට අනුශාසනා කොට සංඝයා සහිතව පෙරළා දඹදිවට වැඩම කල සේක … පසුව සංඝමිත්තා නම් රහත් මෙහෙණි තමෝ ඇසතු බෝ රැක් දක්ෂිණ ශාකාව ද රැගෙන මෙදිවයිනට වැඩ අද මහ බෝ පිහිටි තැන පිහිටුවා වූ සේක…

තවද මහමෙවුනා උයනේ අද රැවන්වැළිසෑ පිහිටි භූමියේ පෙර විසූ සම්මා සම්බුදුවරැන්ගේ සධාතුක සෑරජාන්න් වහන්සේලා වැජඹින…
මෙසේ මෙහි ලා සදහන් නොකෙරැනාවූ අනන්ත සම්බුදු රජාන්න වහන්සේලාගේ පහසින් පිදුම් ලද … විසල් අනුරාධ නගරයටම මාගේ සිරසාභිවන්දනය වේවා … මෙවන් පින් බිමක ඉපැදී මේ මොහොත දක්වාම මේ තතු නොදැනගත් මා හට මා ගැනම මහත් කම්පාවක් ඇතිවිය… මෙතෙක් මා වන්දනා කල නගරයේ සැගැවුන අත්භූත ආශ්චර්යමත් තොරතුරැ ඔබ හමුවේ තැබූයේ ඒ පින්වත් අනුබුදු මිහිදු හිමියන් බැතියෙන් වන්දනා කරමින් මය … ඒ පින්වත් බුදුරජාන්න වහන්සේලා දණ්ඩනමස්කාරය කරමින්මය…. ඔබත් ඒ කෙරෙහි පහන් සිතෙන් අනුමොදන් වෙත්වා …

මෙත්සිතින්

කාවින්ද රණසිංහ

දත්ත
මහාවංශය
වරදක් ඇතොත් සමාවෙත්වා