from Path to Nirvana https://ift.tt/2xK6ERU
සුන්ලුන් මහරහතන් වහන්සේ (1878-1952) බුරුම රට
(භාවනාවට පෙර හැදෑරිය යුතු උතුම් චරිතාපදානයකි)
මෑත කාලයේ පහලවු ආර්ය්‍යන් වහන්සේලා අතරින් මා වඩාත්ම ගරැකරන්නෙ සුන්ලුන් මහා රහතන් වහන්සේටයි. උන්වහන්සේ ගිහිකල නූගත් ගොවියෙක්වන අතර නමින් උ ජෝ ඩින් වේ. උ- යනු බුරැමයේ පිරිමි උදවියට යොදන ගෞරව ආමන්ත්‍රණයකි. සුන්ලුන් ගමේ ජිවත්වු මොහුට උ සන් ටින් නම් සාස්තර කාරයෙක් මුන ගැසුනි. උ සන් ටින් ඔහු වෙනුවෙන් සාස්තරයක් කීවේය. එනම් මිනිසුන්ට අමතකවී තිබු බුදුන්ගේ දහම නැවත එලි දකින බවයි. උ ජෝ ඩින් හා බිරිඳ ඉඩමක් මිලදි ගෙන තල වගා කලේය. ගමේ වැඩිම තල අස්වැන්න ලැබුණේ ඔවුන්ටයි .අනතුරැව ගමේ දාගැබට තෙල් පහන් පූජා කලේය. යමෙකු ලෞකික සම්පත් සිඝ්‍රයෙන් වැඩි වේනම් ඔවුන් ඉක්මනට මියයන කථාවක් ඔහු අසා ඇත.ඔවුන් සිටි ප්‍රදේශයේ වසන්ගත රෝගයක්ද පැතිර යමින් තිබුනි.දිනක් සිහිනෙන් බුදුරැවක් මැවී මා නැවත ඔබ සමග කථා නොකරමි යනුවෙන් කීවේය. මේ සිදුවීම් පෙල නිසා උ ජෝ ඩින් ට මරණ බිය ඇති විය.මෙය ඔහුගේ යාලුවන්ට කියා නිතර චෛත්‍ය වන්දනා කරන්න ගියේය.
උ ජෝ ඩින් : ” අපි හැමෝම අතරමං වෙලයි ඉන්නේ අපට හරි මාර්ගය ලැබුණොත් ඒමාර්ගය ලබාගන්න මම සූදානම් ” යනු වෙන් යාලුවන් ඇමතීය.
යාලුවන් : ” අපිට හරි මාර්ගය ලැබෙයි යාලුවා කවදාහරි ”
උ ජෝ ඩින්ට මහා විපතක් සිදුවන්නට යන බව ඔහුට වැටහී ගියේය. පසුව යාලුවන් සමග එක්ව පිරිත් මන්ඩපයක් තනා ගමේ උදවිය සමග දින කීපයක්ම ධර්ම සාකච්ඡාවේ යෙදුනේය.3 වන දිනයේදි උ බා සන් යන ලිපිකරැවා ආරාධනා රහිතවම මෙහි පැමිනියේය.ඔහු පැමින ධර්ම මන්ඩපයේදි ආනාපාන සති භාවනාව ගැන කතාකරන්නට විය.මෙය ඇසු සැනින් මට නිවැරදි මාර්ග ලැබුණු බව උ ජෝ ඩින් සිතුනි.නමුත් මා නූගතයෙකි.මෙය මට කරන්න පුලුවන්ද යන ගැටලුව ඔහුතුල විය.පසුවදා මන්ඩපයට පැමිනි ලිපිකරුගෙන් මෙය විමසීය.”උගත් නූගත් කම් අවශ්‍ය නැහැ. අවශ්‍ය වන්නේ ශ්‍රද්ධාව හා විර්යත් පමනි.” යනුවෙන් ලිපිකරු පැවසීය. “එතකොට මම මොකක්ද කරන්න ඕනේ”යැයි නැවත උ ජෝ ඩින් ඇසීය.”ඔබට කරන්න තියෙන්නෙ හුස්ම ගැනීමේදි හා පිටවීමේදි සිහිය පිහිටුවීමයි”. උ ජෝ ඩින් එදිනම ගෝනියකින් තැනු පුටුවක වාඩිවී හුස්ම ගැනීම හා පිට කිරීම යැයි සනිටුහන් කලේය. තමා සාර්ථක වන බවට ඔහු තුල විස්වාසයක් ඇතිවිය. දිනක් ඔහු භාවනා කරනවා දුටු අසල්වැසි උ ෂ්වෙ ලොක් : සතිය තිබිය යුතුයැයි ඔහුට පැවසීය.
උ ජෝ ඩින් : සතිය තබන්නේ කොහොමද?
උ ෂ්වෙ ලොක්: ඒ කියන්නේ ඔබ කරන දේගැන සිහියෙන් සිටිය යුතුයි. උ ජෝ ඩින් : එයින් ඇති ප්‍රයෝජනයට මොකක්ද?
උ ෂ්වෙ ලොක්: එයින් කුසල් සිදු වෙනවා.
උ ජෝ ඩින් : කුසල් සිදුවෙනවානම් මම එය අදම පටන් ගන්නවා.
උ ජෝ ඩින් වැඩ කරන විට සිහියෙන් සිටීම පුරැදු කලේය.හරකුන් කෑම සදහා වියලි බඩ ඉරිගු ගස් කපන විට ගසන සෑම පිහි පාරක් ගැනම සතියෙන් සිටියේය.ඔහුගේ ගොවි කාර්‍යන්ද කාර්‍යක්ෂමව ඉටුවිය.ඇවිදින විට යටිපතුල් පොලොවේ ස්පර්ශවන සෑම වාරයකදීම ඒ පිලිබදව සතියෙන් සිටියේය.වල්පැල නෙලද්දි, පොලව කොටද්දි වතුර අදිද්දි මේ සෑම ක්‍රියාවක්ම ඔහු බලවත් සතියකින් සිදුකලේය.ගොවි බිමට ටිකක් ඈත මා උංයින් පව් ගිරි කදුරෙහි ඔහු පූර්ණ සතිය පුහුණු කලේය.ඔහුගේ ශ්‍රද්ධාවත් වීර්ය වන්ත උත්සාය හේතුවෙන් සමාධිය ඇතිවිය.භාවනාව දියුණුවත්ම මිනිසුන් සෑම විටම ඉදුරන් පිනවන දෑ පිටුපස යන බව ඔහුට පෙනුනි.ඔහුට මනුෂ්‍ය වර්ගයා ගැන සංවේගයක් ඇතිවිය. ඔහුගේ අධි මානසික බලයෙන් නිරයේ සත්වයන් බලු කුණක සිටින පනුවන් මෙන් දුක් විදින බව තමාට පෙනෙන සැටි මිනිසුන්ට පෙන්වා දුන්නේය.
“යාලුවා ඔබ බුද්ධ ධම්ම සංඝ යන ත්‍රිවිධ රත්නය සරණ යන්න තව දින 5 කින් ඔබ මිය යනවා ” ඒ කියු විදිහට ඔවුන් මිය ගියේය.උ ජෝ ඩින් අසල්වැසියන් සමග කතාකලේද වචන කීපයක් පමනි.1920 ජූලි 13 අව මස රාත්‍රී 10 ට පමන උතුම් සෝතාපත්ති මාර්ග ඵලය ලැබීය.අගෝස්තු මස 13 රාත්‍රී යේ සකදාගාමී ඵලය ලැබීය.සැප්තැම්බර් මස 13 දින අනාගාමී ඵලය ලබා ඔක්තෝම්බර්මාස 13 වන දින සියලු කෙලෙසුන් නසා උතුම් අර්හත්වයට පත්වී ඇත.අනාගාමිවී සති දෙකකින් ෂින් කවි නමින් පැවිදි විය.යයි-ලයි සයාඩෝ ෂින් කවි ස්වාමීන් වහන්සේගෙන් ප්‍රශ්න ඇසීය.එම ප්‍රශ්න වලට ලැබුනු පිළිතුරැ වලින් ෂින් කවි ස්වාමීන් වහන්සේ භික්ෂු කාර්ය නිම කර ඇති බව තදින්ම ඒත්තු ගියේය. මෙය සැලවු වහාම උන්වහන්සේගේ මිතුරා වන ඤාඋං-ලුන්ට් ස්වාමීන් වහන්සේ පැමිණ දින දෙකක් එකදිගට ප්‍රථම ධ්‍යනයේ සිට සියල්ල අවබෝද කල ආකාරය විමසුවේය.පසුව කිසිවක් නොකියා නැවත තමන්ගේ ආරාමය වෙත පැමින සුත්‍ර පිටකය පරික්ෂා කල විට සියල්ල සත්‍ය බව තහවුරැ විය. යයි-ලයි සයාඩෝ ස්වාමීන් වහන්සේ දසකසිණ වඩන ආකාරය කියාදි දවසක් ඇතුලත කසිණ භාවනා දහයම වඩා විස්තර කල සේක.
පසුව සාස්තර කියු උ සන් ටින් පැමිණ සුන්ලුන් ගමට වඩින ලෙස ආරාධනා කලේය. මාස කීපයකින් වැඩම කර ගිහියන්ට අවශ්‍ය භාවනා කමටහන් ලබාදි ඔවුන්ව සතර අපායෙන් මුදවා ගන්නට මාර්ගය පෙන්වා 1952 දී උන්වහන්සේ පිරිනිවන් පැසේක.වැඩි විස්තර ජැක් කොර්න්ෆීල්ඩ් මහතා විසින් ලියන ලද
” modern Buddhist master “1988 පොතෙන් හා සිංහලයන් ලියවුනු
සුන්ලුන් සයාඩෝ මහරහතන් වහන්සේ යන පොතෙන්ද ලබා ගත හැක.