from Path to Nirvana https://ift.tt/2Ja7NI4
ඇත්තටම මේක සරල ප්‍රශ්නයක් උනත් අද කාලේ තියන මටත් ප්‍රශ්නයක් උන තැනක්. අද ගොඩාක් පන්සලට එන කාන්තාවන්ගේ ඇදුම ගැන නම් කතා කරනවා. ඒත් පිරිමි අයගේ ඇදුම ගැන කතා නෑ. ගෝඩාක් වෙලාවට shorts ඇදගෙන අද කාලේ අය පන්සල් එන්නේ. මේ ඇදුම් ප්‍රශ්නයට කාටවත් කෙලින් මුකුත් කියන්න බෑ. මොකද ඒක ශ්‍රද්ධාව හා බැදි පවතින දෙයක්. ශ්‍රද්ධාව නැතුව හොදට අදින අයත් ඉන්නවා.
මේක බේරගන්න පොඩි උදාහරණයක් කියන්නම්. හිතන්න අපිට උගන්වපු ගුරුවරයෙක් හම්බෙන්න යනවා කියලා,විභාගේ හොදට සමත් වෙලා ඒ ගුරුවරයා නිසා කියමුකෝ. මොනාද අපි ඇදන් යන්නේ?? Short එකක් ඇදන් අපි යනවද ඒ ගුරුවරයා ගාවට. තවත් ලේසි දෙයක් ගමු. Interview එකකට අපි ඒ වගේ short ගහලා යනවද?? නෑ නේද?? හොදට ඇදුම් ඇදලා ලස්සනට යනවා ඒ අය ගැන ගෞරවයෙන්. හැබැයි ඒ තැන් වල ඉන්නේ කව්ද? මේ ලෝකේ එක්කෝ උපාධි තුන හතරක් කරපු ලෝකයේ උගත් යැයි සම්මත් අය.
ඉතින් ඒ අය ඉස්සරහට යද්දී හොදට ඇදගෙන යනවා. ඒත් තුන්ලෝකාග්‍ර වූ දසබලධාරී සම්‍යයක් සම්මා සම්බුදුරජාණන්වහන්සේව වන්දනා කරන්න උන්වහන්සේ ලගට යද්දී නිකම් short ඇදන් කිසිම ගෞරවයක් නැතුව යනවා. මේක ඇත්තටම ශ්‍රද්ධාව නැතිකම. ඒ වගේ අය දැක්කම ඇත්තටම අනුකම්පා කරන්න ඕනී පව් මේ මිනිස්සු මේ සංසාර දුකින් නිදහස් වෙන මග කියපු උත්තමයට ගෞරව කරන්න තරම් ඒ මිනිස්සුන්ට ශ්‍රද්ධාව නෑ දන්නේ නෑ කියලා.
මේවා පොඩි කාලේ ඉදන් හදන්න ඕනී. තව පන්සල් අද හරියට ක්‍රිඩා පිට්ටනි වගේ පොඩි ලමයි හූ කියාගෙන චෛත්‍ය වටේ දුවනවා. ලමයගේ වරදක් නෑ. ඒ ලමයින්ගේ හැටි. ඒත් ගෝඩාක් වෙලාවට ඒ වෙලේට අම්මලා වත් කවුරුවත් කියා දෙන් නෑ පන්සලේ කෑගහන්න එපා. මෙතන ඉන්නේ බුදුරජාණන්වහන්සේ උන්වහන්සේ මේ වගේයි. පොඩි ලමයින්ට ආදරෙයි හොදයි කියලා පොඩි දරුවොන්ට ශ්‍රද්ධාව ඇති කරන් නෑ.ඒත් ඒ අම්මලාම තමන්ගේ යාලුවෙක්ගේ ගෙදරට ගියාම වත් ලමයට අර වගේ දුවන්න කෑගහන්න දෙන් නෑ. බනිනවා මෙහේ කෑගහන්න එපා. දුවන්න එපා කියලා. අච්චර බුදුරජාණන්වහන්සේ වැඩ ඉන්න තැනදී මුකුත් කියන් නෑ. ඒත් මේ වගේ තැන්වලදී තමන්ගේ තත්වේ රැකගන්න ඒවා කියනවා. අද ගෝඩාක් ඔය වගේ අයයි ඉන්නේ.
ඉතින් ඒ වගේ අය ලොකු උනාම ශ්‍රද්ධාවක් නැතුව නිකම් නමට පන්සල් යන්න පුරුදු වෙනවා. ඊට පස්සේ short ගහගෙන එනවා.චෛත්‍යයට අපි පසඟ පිහිටවලා බුදුරජාණන්වහන්සේ අරමුණු කරන් වදිනකොට අහනවා ඇයි ගඩොල් වලට වදින්නේ. බුදුහාමුදරුවෝ කොහේද ඕවා කරන්න කියලා තියෙන්නේ.ඕවා ඕන් නෑ කියලා තමයි කියන්නේ.
මේකට ඒ නිසා හරියටම බුදුරජාණන්වහන්සේ කොහේවත් අදින්න ඕනී ඇදුමක් කියලා නෑ. ඒත් හරියට ශ්‍රද්ධාවන්ත කෙනා ඒක තෝරාගනී. මේ කිව්වේ short අදින්න එපා කියලා නෙවෙයි ඒකෙන් තමාගේ ශ්‍රද්ධාවෙ තරම පේනවා. තියෙන්නේ එකම short එක නම් ඒක ඇදන් හරි පන්සල් ඒම වටිනවා තේරුම් අරන්. ඒත් ගෝඩාක් අයට එහෙම අවුලක් නෑ. ශ්‍රද්ධාවේ අඩුවක් තමයි තියෙන්නේ.
තෙරුවන් සරණයි…
Yohan Sewwandika