from Path to Nirvana https://ift.tt/2SfPOUK
ඇසල පුන් පොහොය දිනයේ ශාසනික වශයෙන් වැදගත් සිදුවීම් රාශීයක්ම සිදුවී ඇති බව සදහන් වේ. සිදුහත් කුමරුගේ මව් කුස පිළසිදීම සිදුව ඇත්තේ ඇසල පුන් පොහොය දිනකදීය. සිදුහක් කුමරුගේ මාහා අභිනිෂ්ක්‍රමණය සිදුවූයේද ඇසල පුන් පොහොය දිනකදීය. රාහුල කුමරුගේ උපත සිදුවන්නේද මෙදිනය. බුදුන් වහන්සේ පස්වග තවුසන් උදෙසා බරණැස ,ඉසිපතන මිගදායේ හිදි දම්සක් පැවතුම් සූත්‍රය දේශනා කලේද ඇසල පොහොය දිනකදීය. තීර්ථකයක්ගේ මානය බිදීම සදහා සැවැත් නුවර ගන්දබ්බ අඹරුක මුලදී බුදුන් වහන්සේ යමා මහා පෙළහැර පෑවේද මෙවන් දිනකදීය. සම්මා සම්බුදුන් දෙවිලොවට වැඩම කරවා මාතෘ දිව්‍ය දිව්‍ය රාජයා ප්‍රමුඛ දෙවියන්ට ගැඹුරු අභිධර්මය දේශනා කලේද ඇසල පොහොය දිනකදීය. බුද්ධ පරිනිර්වාණයෙන් පසුව කාශ්‍යප මහ රහතන් වහන්සේ මුල් වරට ධර්ම සංඝායනාවක් කල යුතු යැයි තීරණය කලේද ඇසල පුන් පොහෙය දිනයදීය.
කොණඩඤ්ඤ තවුසාගේ සෝවාන් වීම, භික්ෂුන් වහන්සේලා පෙරවස් එළඹීම, අරිට්ඨ කුමරු සහ සිංහලයන් 56 දෙනෙකු උපසම්පදාව ලැබීම සහ කිර්ති ශ්‍රී රාජසිංහ රජු සියම් රටෙන් උපාලි තෙරුනි ප්‍රධන සංඝයා ගෙන්වා බු.ව 2296 දී උපසම්පදාව ඇති කිරීම වැනි දේ සිදුවූයේද ඇසල පුන් පොහොය දිනයන්හිදීය.
මේ අතර ඇසල උත්සවය වෙනුවෙන් ලංකාවේදීද මහනුවර ඇසල පෙරහැර, කතරගම, රත්නපුර, දෙවිනුවර දේවාලයන්හි ඇසල පෙරහැරද පැවැත්වේ.