from Path to Nirvana https://ift.tt/37JtdI5
කෙතරම් ‘විතක්ක’, ‘පරිවිතක්ක’, ‘මහාපුරිසවිතක්ක’ ඇති වූ බව කියතත් පපඤ්චයෙන් විමුක්ත බව විමුක්ත පුද්ගලයාගේ සුවිශේෂ ලක්ෂණයකි.
මේ වනාහි මුනිවරයා තුළ ඇති නිහඬ බව හඳුනාගැනීමේ ඉඟියකි.
මුනිවරයා නිහඬව සිටින්නේ කතා නොකරන විට පමණක් නොවේ. කතා කරන විට පවා මුනිවරයා නිහඬය.
‘මහණෙනි, මම ලෝකයා සමග විවාද නොකරමි. ලෝකයා මා සමග විවාද කරයි’ යන විරෝධාභාසයක් වැනි බුදු වදන අර්ථවත් වන්නේ මේ නිසාය.
බුදුරජාණන් වහන්සේ පමණක් නොව විමුක්ත භික්ෂුවද ලෝකයා සමග විවාද නොකරයි. උපාදානයෙන් තොරව ලෝක ව්‍යවහාරය උපයෝගී කරගනු පමණි.
(කටුකුරුන්දේ ඤාණනන්ද මහ තෙරුන් ගේ ‘පැරණි බෞද්ධ චින්තාවේ සංකල්පය සහ යථාර්ථය’ නම් ග්‍රන්ථයෙන් උපුටා ගත් කොටසකි)
ඡායාරූපයේ වම් පස : කටුකුරුන්දේ ඤාණනන්ද ස්වාමීන් වහන්සේ ; දකුණු පස : මාතර ශ්‍රී ඥානාරාම ස්වාමීන් වහන්සේ (මීතිරිගල නිස්සරණ වනයේ දී)