== අටවිසි පිරිත ==
තණ්හංකරෝ මහා වීරෝ – මේධංකරෝ මහායසෝ
සරණංකරො ලෝකහිතෝ – දීපංකරෝ ජුතින්ධරෝ

කොණ්ඩඤ්ඤෝ ජනපාමොක්ක්ඛෝ – මංගලො පුරිසාසභෝ
සුමනො සුමනො ධීරෝ – රෙවතෝ අරති වද්ධනෝ

සොභිතෝ ගුණසම්පන්නෝ – අනෝමදස්සි ජනුත්තමෝ
පදුමො ලෝකපජ්ජොතෝ – නාරදො වරසාරථි

පදුමුත්තරො සත්තසාරෝ – සුමේධො අග්ගපුග්ගලෝ
සුජාතෝ සබ්බලෝකග්ගෝ – පියදස්සී නාරාසභෝ

අත්ථදස්සී කාරුණිකෝ – ධම්මදස්සී තමෝනුදෝ
සිද්ධත්ථා අසමෝ ලෝකේ – තිස්සො වරදසංවරෝ

ඵුස්සො වරද සම්බුද්ධෝ – විපස්සී ච අනූපමෝ
සිඛී සබ්බහිතෝ සත්ථා – වෙස්සභූ සුඛ දායකෝ

කකුසන්ධො සත්ථවාහෝ – කොණාගමනො රණංජහෝ
කස්සපො සිරි සම්පන්නෝ – ගෝතමෝ සක්‍යපුංගවෝ

තෙසං සච්චේන සීලේන – ඛන්ති මෙත්තා බලේන ච
තෙපි මං අනුරක්ඛන්තු – ආරෝග්‍යේන සුඛෙන චාති

අට්ඨවීසතිමෙ බුද්ධා – පූරෙත්වා දස පාරමී
ජෙත්වා මාරාරි සංගමං – බුද්ධත්තං සමුපගමුං
ඒතේන සච්චවජ්ජේන – හොතු මෙ ජය මංගලං

භවතු සබ්බ මංගලං – රක්ඛන්තු සබ්බ දේවතා
සබ්බ බුද්ධානුභාවේන – සදාසොත්ථි භවන්තුතේ
භවතු සබ්බ මංගලං – රක්ඛන්තු සබ්බ දේවතා
සබ්බ ධම්මානුභාවේන – සදාසොත්ථි භවන්තුතේ
භවතු සබ්බ මංගලං – රක්ඛන්තු සබ්බ දේවතා
සබ්බ සංඝානුභාවේන – සදාසොත්ථි භවන්තුතේ

1. මහා වීරෝ = මහත්වූ වීර්ය ඇත්තා වූ
2. මහායසෝ = මහත්වූ කිර්තිය ඇත්තා වූ
3. ලෝකහිතෝ = ලොවට හිත අත්තා වූ
4. ජුතින්ධරෝ = බබලන්නාවූ
5. ජනපාමොක්ක්ඛෝ = ජනයාට නායක වූ
6. පුරිසාසභෝ = මහත් වූ පෞරෂය ඇත්තා වූ
7. සුමනෝ ධීරෝ = මනාවූ සිහිය ඇත්තාවූ ධෛර්යයෙන් යුතු
8. අරති වද්ධනෝ = නො ඇලීම වර්ධනය කරන්නාවූ
9. ගුණසම්පන්නො = ගුණවත් වූ
10. ජනුත්තමෝ = ජනයින්ට උතුම් වූ
11. ලෝකපජ්ජොතෝ = ලෝකය ආලොකමත් කළාවූ
12. වරසාරථි = උතුම් මග පෙන්වන්නා වූ
13. සත්තසාරො = සත්තවයා හරයෙහි ඇලවූ
14. අග්ගපුග්ගලෝ = ශ්රේෂ්ඨ පුද්ඝලයා වූ
15. සබ්බලෝකග්ගෝ = සියළු ලොවට අග්ර වූ
16. නාරාසභෝ = අති උත්තම මිනිසා වූ
17. කාරුණිකෝ= කාරුණික වූ
18. තමෝනුදෝ = අඳුර දුරුකළා වූ
19. අසමෝ ලෝකේ = ලෝකයේ අසම වූ
20. වරදසංවරෝ = නිවන දීමෙන් සංවර කළා වූ
21. වරද සම්බුද්ධෝ = මනාකොට අවබෝධ කරවූ තැනැත්තා වූ
22. අනූපමෝ = උපමා නැති වූ
23. සබ්බහිතෝ සත්ථා = සියළු සත්වයින්ගේ හිත පිණිස වූ
24. සුඛ දායකෝ = සැපය දෙන්නා වූ
25. සත්ථවාහෝ = උතුම් ශ්රාස්තෘවරයානෝ වූ
26. රණංජහෝ = කෙලෙස් දුරු කළා වූ
27. සිරි සම්පන්නෝ = ශ්රීයෙන් යුක්ත වූ
28. සක්යපුංගවෝ = ශාක්ය කුලයේ උපන්නා වූ

මේ කිසිම ගුණයක් එක් බුදු රජානන් වහන්සේ කෙනෙකුට පමණක් සීමා වූ ඒවා නොවේ. සෑම බුදුවරයෙකු කෙරෙහිම මෙම ගුණ ඇත්තේය. ගද්යමය තත්වය වර්ධනය කිරීම පිණිස පද පූර්ණය සලකා එක් එක් ගුණ යොදා ඇති සෙයක් පෙනේ.
—————–

== මහා ජයමංගල පිරිත ==
මහා කාරුණිකෝ නාථෝ හිතාය සබ්බ පාණිනං
පූරෙත්වා පාරමී සබ්බා පත්තෝ සම්බෝධි මුත්තමං
ඒතේන සච්ච වජ්ජේන හෝතු තේ ජය මංගලං

ජයන්තෝ බෝධියා මූලේ සක්‍යානං නන්දිවද්ධනෝ
ඒවං තුයිහං ජයෝ හෝතු ජයස්සු ජය මංගලං

සක්කත්වා බුද්ධ රතනං ඕසධං උත්තමං වරං
හිතං දේව මනුස්සානං බුද්ධ තේජේන සොත්ථිනා
නස්සන්තුපද්දවා සබ්බේ දුක්ඛා වූපසමෙන්තු තේ

සක්කත්වා ධම්ම රතනං ඕසධං උත්තමං වරං
පරිළාහූපසමනං ධම්ම තේජේන සොත්ථිනා
නස්සන්තුපද්දවා සබ්බේ භයා වූපසමෙන්තු තේ

සක්කත්වා සංඝ රතනං ඕසධං උත්තමං වරං
ආහුනෙය්‍යං පාහුනෙය්‍යං සංඝ තේජේන සොත්ථිනා
නස්සන්තුපද්දවා සබ්බේ රෝගා වූපසමෙන්තු තේ

යං කිංචි රතනං ලෝකේ විජ්ජති විවිධා පුථු
රතනං බුද්ධ සමං නත්ථි තස්මා සොත්ථි භවංතු තේ
යං කිංචි රතනං ලෝකේ විජ්ජති විවිධා පුථු
රතනං ධම්ම සමං නත්ථි තස්මා සොත්ථි භවංතු තේ
යං කිංචි රතනං ලෝකේ විජ්ජති විවිධා පුථු
රතනං සංඝ සමං නත්ථි තස්මා සොත්ථි භවංතු තේ

නත්ථි මේ සරණං අඤ්ඤං බුද්ධෝ මේ සරණං වරං
ඒතේන සච්ච වජ්ජේන හෝතු තේ ජය මංගලං
නත්ථි මේ සරණං අඤ්ඤං ධම්මෝ මේ සරණං වරං
ඒතේන සච්ච වජ්ජේන හෝතු තේ ජය මංගලං
නත්ථි මේ සරණං අඤ්ඤං සංඝෝ මේ සරණං වරං
ඒතේන සච්ච වජ්ජේන හෝතු තේ ජය මංගලං

සබ්බීතියෝ විවජ්ජන්තු සබ්බ රෝගෝ විනස්සතු
මා තේ භවත්වන්තරායෝ සුඛී දීඝායුකෝ භව
භවතු සබ්බ මංගලම් රක්ඛන්තු සබ්බ දේවතා
සබ්බ බුද්ධානුභාවේන සදා සොත්ථි භවන්තු තේ
භවතු සබ්බ මංගලම් රක්ඛන්තු සබ්බ දේවතා
සබ්බ ධම්මානුභාවේන සදා සොත්ථි භවන්තු තේ
භවතු සබ්බ මංගලම් රක්ඛන්තු සබ්බ දේවතා
සබ්බ සංඝානුභාවේන සදා සොත්ථි භවන්තු තේ
නක්ඛත්ත යක්ඛ භූතානං පාපග්ගහ නිවාරණා
පරිත්තස්සානුභාවේන හන්තු තේසං උපද්දවේ via Facebook Pages http://ift.tt/1GMS4Lf