from Path to Nirvana https://ift.tt/2QmbpfA
ඉක්බිති චුල්ලපිණ්ඩපාතික තිස්ස මහ තෙරුන් වහන්සේ පන්සියයක් මහ රහතන් වහනසේලා පිරිවරාගෙණ චෛත්‍යයස්ථානයට වැඩම කළ සේක. මහා සාගල මහ තෙරුන් වහන්සේ ද. පන්සියයක් මහ රහතන් වහන්සේලා පිරිවරා ගෙණ චෛත්‍යයස්ථානයට වැඩම කළ සේක. මේ ආකාරයට චෛත්‍යයස්ථානයට වැඩම කළ මහ රහතන් වහන්සේලා ගේ ගණන සත් දහසකි. චුල්ලපිණ්ඩපාතික .තිස්ස මහ රහතන් වහන්සේ මේ සියලු සංඝයා පිරිවරා ගෙණ චෛත්‍යයස්ථානයට පැමණ” ස්වාමීනි, කේශ ධාතූන් ලබාගන්නෙ කෙසේ “දැ? “යි ඇසුවේය. එකෙනෙහ ම චුල්ලපිණ්ඩපාතික තිස්ස තෙරනුවෝ තමන් වහන්සේගෙ ශිෂ්‍ය වු සිව තෙරන්ගේ මුහුන බැලුණ බැලුහ ශඩ් අභිඥාලාභී මහ රහතන් සිව තෙරුණුවෝ ඒ මොහිතේ දීම හුන් තැනින් නැගීසිට මැනවින් සිවුරු පොරවාගෙණ සංඝයාට වැඳ චතුර්ථධ්‍යානයට සමවැදී ඉන් නැගී සිට මහපොළොවේ කිමිදී භූමන්ඣර නාග විමානයේ පහළ වූ සේක. ඒ සමයෙහි ජයසේන නාරජු තමාගේ බෑනා ද සමගින් දෙකෝටියක් තරම් නාගයින් පිරිවරාගෙණ බොහෝ සැප විඳිමින් සිට්යේය. මේ අතර නාරජු නාග විමාණයේ පහළ වී තමා වෙත පැමිණන මහානුභව සම්පන්න සිව තෙරුන් වහන්සේ දුර දීම දුටුවේය. දැක භික්ෂූන් ට මේ නාග භවනේ තිබෙන කටයුත්ත කුමක්ද ? ඒකාන්තයෙන්න ම මේ භික්ෂූව කේශ ධාතූන් වහන්සේලා ගෙනයාමට පැමින ඇතැයි සිතා වහා නැගිට ධාතූ ගෙට ගොස් කේශ ධාතූ සහිතකරඬුව ගිල කිසිවක් නොදන්නා සේ නිඬව සිට්යේය.

සිව තෙරුන් වහන්සේ නාරජු වෙත වැඩම කළ සේක නාරජු ඉදිරියට ගොස් තෙරුන් වහන්සේ පිලිගෙන සැපුදුක් ව්මසා ඉන් පසුව ස්වාමීනි , ඔබ වහන්සේ මෙහි වැඩම කළේ කුමක් නිසාවෙන් දැ “යි ඇසුවේය . නාරජතුමනි, තුන් ලෝ වැසියන්ගේ අසහාය මුනිවරන් වහන්සේ වු භාග්‍යවත් වු අරහත් වු සම්මා සම්බුදුරජානන් වහන්සේ ගේ කේශ ධාතූ ඔබ ළග ඇති .ඒ කේශ ධාතූ ගෙණ යෑමට මෙහි පැමිණියෙමි. නාරජ්තුමනි , පමා නොවී ඔබ ලඟ ඇති සර්වඥයන් වහන්සේගෙ ඒ කේශ ධාතූ මට දෙන්න .මාගේ උපාධ්‍යයයන් වහන්සේ ගේ උපදෙස් පරිදි කේශ ධාතු ගෙණ යෑමට මම මෙහි පැමිණියෙමි ” යි සිව තෙරුන් වහන්සේ කී සේක. මෙය ඇසූ නාරජු ” ස්වාමීනි ,ඔබ වහන්සේගෙ කේශ ධාතූ මා ළග නැතැයි” කීය සිව තෙරණුවෝ නාරජු කේශ ධාතූ කරඬුව ගිල ඇති බව දැක ” නාරජතුමනි ,එසේනම් කේශ ධාතූ කරඬුව ම ගන්න දැයි” ඇසූහ. ” එසේ ය ස්වාමීනි , පෙනේ නම් තිබෙන තැනකින් ගනු මැනවැ” යි නාරජු කීය. එකල්හි සිව තෙරණුවෝ තුන් වරක් ම මෙය අසා “එසේ ය ස්වාමීනි තිබෙන තැනකින් ගනු මැනවැයි ” කී නිසා තමන් වහන්සේ ගේ ඍද්ධියෙන් සියුම් අතක් මවා නාරජු ගිල දැමූ ඒ කේශ ධාතූ කරඬුව ගෙණ ” නා රජතුමනි, මා පැම්ණි කටයුත්ත දැන් අවසානය ” යි කියා නාලොවෙන් වැඩම කළ සේක. එකල්හි ජයසේන නාරජු ” යාන්තං මම මේ භික්ෂූව රවටා යැවුවෙමි “ය සිතා තෙරුන් වැඩි පසුව ගිළ දැමූ ඒ කරඬුව දෙස බලා එය කුස තුළ නොදැක ” මේ මහණා අපි සැම නැසුවා ය ” යි කියා දෑත් ඔසවා හිස බදා ගෙණ තමාගෙ මුලු නාග භවන ම දෙදරා යන සේ මහ හඬ්න් කෑ ගසා “මේ මහණා අපේ ඇස් දෙක ගලවා ගෙණ ගියා වැනිය. දෙව්මිනිසුන් සහිත ලොකයාට පිහිට වු සම්මා සම්බුදුරජානන් වහන්සේ ගේ කේශ ධාතූ වන්දනා කර අපි රවටා කේශ ධාතූ ගෙණ ගිය අර මහණා පසු පසින් ගොස් වහා අල්ලා ගනිමු ” යි කියා දෙකෝටියක් තරම් මහත් වු නාගයින් පිරිවරා ගෙණ තම බෑණා ද සමගින් සිව තෙරුන් පසු පසින් පන්නා ගෙණ අහසට පැන නැංගේය. එකෙණෙහි සිව තෙරණුවෝ අහසින් බැස මහ පොළොවෙහි කිමිදුන සේක .නාරජු ද අහසින් බැස මහ පොළොවෙහි කිම්දුණි. මෙසේ සිව තෙරුණුවෝ ඒ නාරජු ද සමගින් අහසට නගිමින් මහ පොළොවෙහි කිමිදෙමින් ප්‍රාතිහාර්ය දක්වා සේරු නුවරට නුදුරින් පිහිට් එක් ගල් තලාවක් මතට වැඩම කළ සේක. පසුව එතැනින් ඉවත්ව චෛත්‍ය මළුවේ වැඩ සිටි භික්ෂූ සංඝයා අතර පෙනී සිටි සේක. කිසිම නාගයෙකු ට සිව තෙරුන් වහන්සේ අල්ලා නැනීමට නොහැකි විය. ඔව්හු මහත් වු දුකට පත් ව ඒ ගල් තලාවෙන් පිටත හිඳ ගෙණ ” මෙතැන් පටන් අපේ අවසානය ” යි කියමින් මහ හඬ්න් හැඩීමට පටන් ගත් හ. මොර දුන් හ ව්ලාපනැගූහ .නාගයින් රැව්පිළිරැව් දෙමින් මහ හඬින් නාද කළ නිසා එතැන් පටන් ඒ ගල් තලාව රාවගල් “” යන නමින් ප්‍රකට විය. ජයසේන නාරජු සිව තෙරුන් පිටු පසින් ම චෛත්‍යයට ගොස් කාවන්තිස්ස මහරජු දෙසට හැරී ” මහ රජතුමනි , මේ භික්ෂූව මා නුදුන් කේශ ධාතූ මට හොරෙන් ගෙණාවේයැ යි කීය. මෙය ඇසූ රජු ” ස්වාමීනි මෙයසැබෑයි ද” ඇසුවේය ” නාරජු කියන්නේ සැබෑවක් නොවෙයි .මා ගෙණාවේ නුදුන් කේශා ධාතූ නොව මේ රජු මට “පෙනේ නම් ගන්නැ යි ” කී නිසා මා ගත් කේශ ධාතූ ය ” සිව තෙරණුවෝ කීහ. එසේනම් සාක්ෂි කවුරුන් ද ?” දැයි නාරජු විමසූහ සිව තෙරනුවෝ නාරජු ගේ බෑනා වු සමනුප්පල නාරජු දෙසට හැරී ” මොහු මට සාක්ෂි යැයි ” කීහ .සමණුප්පල නාරජු ” තෙරුන් වහන්සේ කියන්නෙ සැ බෑ ය යැයි” කීවේය රජු එය පිළිගත්තේය. එකල්හි ජයසේන නාරජු වචනයෙන් කිව නොහැකි තරමේ මහත් වු දුකට පත් ව දුක් වේදනාව ඉවසා ගැනීමට නොහැකි ව දාගැබ් මල්ළුවෙන් පටතට වී සිට්යේය .රජුගේ බෑනා වු නාරජු දාගැබ මළුව තුළ සියේය. ..සේරුව්ල මංගල මහා චෛත්‍යය රාජයාට අරක් ගත් නාගයින් මෙසේය. සුමන නාරජු ගේ පිරිවර වු හය කෝටියක් පමණ නාගයන් ය. ඔහු ගේ මෑනියන් ගේ පිරිවර වු තුන්කෝට්යක් නාග මාන විකාවන් ය . , ජයසේන නාරජු ගේ දෙකෝටියක් පමණ නාගයින් ය, සමනුප්පල නාරජුගේ පිරිවර වු කෝටියක් නාගයින් සේරුවිල මංගල මහා චෛත්‍ය රාජයන් වහන්සේට අරග් ගත් බව දත යුතුය.

ගයාන් චානුක මහතාගෙ සේරුවිල මංගල චෛත්‍යය වර්ණනාවෙන් සුළු කොටසකි.