from Path to Nirvana https://ift.tt/2WAhLu5
like එපා. මාගේ මුහුණු පොතේ
පිනැති හැමෝම ෂෙයාර් කරන්න. ඉක්මනින් සෑය බැඳ අවසන් වේවි
please share this

ගිනුම් විස්තර

003200170033201
people’s bank
kandy branch
name-gangasiripura dhammaloka thero

දළදා සමිඳු පිහිටයි…!!!

from Path to Nirvana https://ift.tt/2ZIWbpe
ගියේ 21 කුටියට. මම බලාපොරොත්තු උනේ Concept and Reality වගේ පොතක් ලියපු සුදු හාමුදුරු කෙනෙක්. යනකොට අපි 21 කුටියෙ දිහාවට, කෙට්ටු, නහර පෑදිච්ච සිංහල හාමුදුරු කෙනෙක් වතුර බාල්දියක් අරගෙන ඉස්සරහින් වැඩිය. අපිත් කථා නොකර අනුගමනය කළා. කුටියට ගිහිං සිවුරක් ඇඳගෙන එළියට ආවේ ඒ හාමුදුරුවොම තමයි. ප්‍රනාන්දු මහත්තය එක්ක කථාව පටන්ගත්තා මට මතක හැටියට සංස්කාර ගැන. ආධුනික මමත් අහගෙන හිටිය. කථාව හරි ගැඹුරුයි. එතකොට ප්‍රනාන්දු දොස්තර මහත්තය මාව හඳුන්වා දුන්න. මම කියවූ පොත්වල විස්තරයකුත් ඒත් එක්ක කියවුණා. එතකොට 21 කුටියේ මේ හාමුදුරුවො කිවුව “එහෙනං ගිහිං ලොකු හාමුදුරුවො වන්දනා කරමු නේද” කියල. මට අදහගන්න බැරි උනා මේ තරම් ඉක්මනට මේ තරම් පහසුවෙන් ලොකු හාමුදුරුවො වන්දනා කරන්න ලැබීම ගැන. යන ගමන් මට සතුට ඉහිලුම් නැතිව ගිහින් මේ 21 කුටිය හාමුදුරුවො ළඟින්ම පස්සෙන් යන ගමන් මම කීව “මම ස්වාමීන් වහන්සේ උතුම් කල්‍යාණ මිත්‍රයෙක් වශයෙන් සලකනව මේ කළ උපකාරයට” කියල. එයින් නතර නොවී මම තව දුරටත් කීව “ස්වාමීන් වහන්සේත් මම මිත්‍රයෙක් ලෙස සලකන සේක්වා” කියල. ස්වාමීන් වහන්සේ ආපසු මා දිහාවට හැරිල බැලුව තාලෙන් මට තේරුණා මම පැහි වචනයක් කීව බව. මේ තමයි කටුකුරුන්දේ ඤාණනන්ද හාමුදුරුවෝ.

ඊගාව ජවනිකාව – අපි ගිහින් වැඳල කෙටියෙන් ආගිය පුවත් සැල කරල ලොකු හාමුදුරුවො වන්දනා කළා. මගේ හිත පිරිල ඉතිරෙනව හීනයක් හැබෑ උනා කියල. මම දැක්ක කවුරුත් වගේ අපි හිටියෙ වර්තමාන මොහොතෙ ගිලිල කියල. ගමන සාර්ථකයි!

එතැන් පටන් මට 21 කුටිය හාමුදුරුවෝ ලොකු අයිය කෙනෙක් වගේ සැලකුව විතරක් නොවෙයි මට අදාළ ශාසනික කටයුතුවලදි කෙළින්ම වගකීම අතට අරගෙන වැඩ කළ හැටි පුදුමයි. මට තිබුනෙ මල්ලි කෙනෙක් වගේ එහෙයි කියන එක පමණයි. මගේ ගිහි ආරාමික ජීවිතය, සාමණේර බණ දහම් කියාදීම, ධම්මජීව කියල නම් තැබීම සහ උපසම්පදාවට අදාළ කටයුතු සියල්ලම සියතට ගෙන කටයුතු කළ ආකාරය ගැන හිතෙනකොට ණයගැති බවක් දැනෙනව ශාසනික ගෞරවයක් මුසු. නිස්සරණ වනයේ අපි කාටත් ස්වාමීන් වහන්සේ සැලකුවේ එහෙමයි. ලොකු හාමුදුරුවොත් මේ බව හොඳින් දැනගෙන හිටිය.

-උ. ධම්මජීව හිමි-
(උපුටා ගැනීම – ‘නිස්සරණ වනය ආරණ්‍ය සේනාසනය, මීතිරිගල’ ග්‍රන්ථය)

කටුකුරුන්දේ ඤාණනන්ද හිමියන් ගේ ධර්ම දේශනා සහ ධර්ම ග්‍රන්ථ seeingthroughthenet.net වෙබ් අඩවියෙන් බාගත කර ගත හැකි.

from Path to Nirvana https://ift.tt/2Oz5bqv
සෑම විටම මරණ සතිය වඩමු.

from Path to Nirvana https://ift.tt/32mxRef
මෛත්‍රිය මතු කර ගැනීමට දක්ෂ වෙන්න

from Path to Nirvana https://ift.tt/2ZvAdWt
මෙවැනි උතුම් භික්ෂූන් වහන්සේලා තව තවත් පහළ වේවා.

from Path to Nirvana https://ift.tt/2OBdFgV
කුණ්ඩලී කතා වස්තුව.

ඉස්සර ලංකාවේ රුහුණෙ දහස් ගණනින් ස්වාමීන් වහන්සේලා වැඩ ඉන්න “තිස්ස” කියලා මහා විහාරයක් තිබුණා. ඒ විහාරයේම “තිස්ස” කියලා අලුත පැවිදි උන පොඩි සාමණේර නමකුත් හිටියා. ඒ සාමණේරයන් වහන්සේ දවසක් “පාණව” කියන ගමට පිඬු සිඟා වැඩලා කැළේට වෙන්න තිබ්බ දොළ පාරකින් පැන් පහසු වෙලා දානෙ වළඳන්න පටන් ගත්තා.
ඒ වෙලාවෙ කෑම සුවඳට එතෙන්ට ආව දවස් ගාණක් බඩගින්නෙ හිටපු, අලුත පැටව් බිහි කරපු බැල්ලියක්. අනේ හොඳටම වැහැරිලා වෙව්ල වෙව්ල නකුට වන වනා ඉන්න මේ බැල්ලිය දැකලා සාමණේර නමට ගොඩක් අනුකම්පා හිතුනා. පාත්තරේ තිබ්බ ඔක්කෝම දානෙ ටික ගුලි කර කර ඒ බැල්ලිට දීලා එදා ඒ සාමණේර නම බඩ ගින්නෙම හිටියා.
එදා ඒ බැල්ලිට ඒ සාමණේර නම ගැන ඇති උන පැහැදීමෙන්ම මැරිලා දඹදිව “දේවපුත්‍ර” කියන නගරයේ හිටපු රජ බිසවගෙ කුසේ ගැහැණු දරුවෙක් විදියට පිළිසිඳ ගත්තා. ඒ දූ කුමාරිගෙ නම තමයි “කුණ්ඩලී”. මේ කුමාරිට අවුරුදු 16ක් විතර වෙද්දි, අර “තිස්ස” සාමණේර නම ජය ශ්‍රී මහා බෝධිය වඳින්න දඹදිව වැඩියා. ඒ වඩින අතරමග මේ “දේවපුත” නගරයේ “කුණ්ඩලී” කුමාරි ඉන්න රජ මැදුර ළඟින් “තිස්ස” සාමණේර නම පිඬු සිඟා වැඩියා. කුමාරි සඳලුතලේට වෙලා පාර දිහා බලා ඉන්න කොට දැක්ක මේ සාමණේර නමව. දැක්ක විතරයි කුණ්ඩලී කුමාරිට ජාතිස්මරණ ඥානය පහල උනා. පෙර ජීවිතේ බැල්ලියක් වෙලා ඉද්දි කරපු උපකාරය මතක් වෙලා මේ කුමාරිට ලොකු සතුටක් ඇති උනා. ඊට පස්සෙ ඉක්මනින් ගිහින් සාමණේර නමට දානයට ආරාධනා කරලා රාජ භෝජන වලින් හොඳට සංග්‍රහ කළා.
ඉතිං මේ තිස්ස සාමණේර නම දානෙ වළඳලා ඉවර උනාට පස්සෙ මේ රාජ කුමාරිකාව ගිහින් ඇහුවා “ස්වාමීනි මාව අඳුනන්න පුලුවන්ද, ඔබවහන්සේ මට උපකාර කළා මතකද” කියලා.
ඒ ගමන සාමණේර නම කිව්වා “නැගණියනි මොනවද මේ කියන්නෙ? මට නම් ඔබව මතක නෑ. මම ඔබව අඳුනන් නෑ.” කියලා.
ඊට පස්සෙ ඒ කුමාරිකාව ටික ටික එදා තමන් බැල්ලියක් වෙලා ඉද්දි වෙච්චි සිදු වීම මතක් කරලා දුන්නා. ඔබවහන්සේ දීපු ආහාරය නිසා එදා කුසගිනි නිවා ගෙන, ඔබවහන්සේ ගැන හිත පහදවා ගෙන මැරුණු නිසා අද සැප විඳින හැටිත් පෙන්වා දුන්නා. සාමණේර නමත් ඒ විස්තර අහලා ගොඩක් සතුටට පුදුමයට පත් උනා.
ඊට පස්සෙ ඒ රාජ කුමාරිකාව ඒ සාමණේර නමට දේවපුත්‍ර නගරයේම වැඩ වසන්න කියල ආරධනා කරලා විශාල ව්හාරයක් ඉදි කෙරෙව්වා. පස්සෙ කාලෙක ඒ “තිස්ස” හාමුදුරුවෝ “කුණ්ඩලී” කුමාරිකාව ඉදි කරවපු විහාරයේ වැඩ ඉද්දිම අරිහත්වයට පත් උනා. තවත් බොහෝ ස්වාමීන් වහන්සේලා සමඟ උන්වහන්සේ දිවි ඇති තාක් ඒ විහාරයේ වැඩ හිටියා. කුණ්ඩලී කුමරියත් දිවි ඇති තාක් බොහෝ පිං දහම් කර ගත්තා.
…………………..
………….
…….🌸🌸🌸

from Path to Nirvana https://ift.tt/2AXdol9
ලොව ‘පිළිගත්’ ජීවන ක්‍රමය…
ලෞකික මෙනෙහි කිරීම් තුලම වයසට යන ඔබේම ඥාතීන් දිහා නුවණින් බලාසිටින්න.
අයොනිසොමනසිකාරො පරිපූරො අසතාසම්පජනනං පරිපුරෙති. (හේතු – ඵල)

from Path to Nirvana https://ift.tt/3fnMwcQ
බණ ඇසිය යුත්තේ කෙසේ ද?

ධර්මය ශ්‍රවණය කිරීම නැතිනම් බණ ඇසීම බෞද්ධ සමාජය තුළ ඉතා ම සාමාන්‍ය දෙයක්. විවිධ අවස්ථාවන්හිදී විහාරස්ථානවලදී මෙන්ම නිවෙස් වලදී ද ධර්ම දේශනා සිදු කරනවා, සංවිධානය වෙනවා. ඒත් ධර්මය ශ්‍රවණය කිරීම ගැන බෞද්ධ ශ්‍රාවකයා තුළ ඇති අවබෝධය ඉතා අල්ප බවක් තමයි පෙනෙන්නට තිබෙන්නෙ. මේ නිසාම කෙතරම් ධර්ම දේශනා බෞද්ධ සමාජය තුළ සිදුවුනත් ඉන් මහඟු ඵල නෙලා ගැනීමේ අවස්ථාව බෞද්ධයාට නොලැබී ගිහින් තිබෙන්නෙ. මේ නිසා බණ ඇසිය යුතු ආකාරය ගැන දැනුවත් කරන්න තමයි බලාපොරොත්තු වෙන්නෙ.

නිවන් මඟ යන ශ්‍රාවකයාට නිවන සාක්ෂාත් කර ගන්න සත්පුරුෂයන්ගේ ආශ්‍රය, බණ ඇසීම, ධර්මයට අනුව පිළිපැදීම (ධම්මානුධම්ම ප්‍රත්පදාව) යන ධර්ම තුන බොහෝ උපකාර වෙන බව බොහෝ දෙනෙක් දන්නවනෙ. මෙතනදි බණ ඇසීම කරන්න ඕනෙ කොහොමද කියලයි විස්තර කරන්න හදන්නෙ කෙටි සූත්‍ර දේශනාවකින්.
බණ ඇසීම එහෙමත් නැත්නම් ධර්ම ශ්‍රවණය නිර්වාණයට ඉතාම ප්‍රයෝජනවත්. කල්‍යාණ මිතයන්ගෙන් ධර්මය ඉගෙන ගන්න කෙනාටයි ප්‍රතිපදාවට අවස්ථාව ලැබෙන්නෙ. ඒක ආලවක සූත්‍රයේ “සූස්සූ සා ලභතෙ පඤ්ඤං” යනුවෙන් බණ අසනු කැමැති බව නිවණට හේතුවෙන බව දේශනා කරල තියෙනව.

ඒ වගේම “සුනාථ ධාරෙත චරාථ ධමෙම” යනුවෙන් බුදුන් වහන්සේ විසින් දේශනා කරල තිබෙන පාඨය ඉතාම ප්‍රචලිත එකක් නෙ. මේ ගැන නොදන්න කෙනෙක් නැති තරම්. මේ පාඨය තුළ ධර්මය ශ්‍රවණය කිරීම පිළිබඳ පුළුල් අදහසක් ගැබ් වෙලා තියෙනව. මෙහි “සුනාථ” යන්නෙහි අර්ථය හොඳින් ශ්‍රවණය කරන්න යන්නයි. මේ නිසා, ධර්මය හොඳින් ශ්‍රවණය කරන්නේ කෙසේද යන්න ඉතාම වැදගත් ධර්මාවබෝධයට පත්වෙන්න වගේම ධර්ම මාර්ගය වඩා ගන්නත්.

අන්ගුත්තර නිකායේ එන සුස්සූසන සූත්‍රයේ ධර්ම ශ්‍රවණය කරනශ්‍රාවකයා සතු විය යුතු ලක්ෂණ හයක් දක්වලා තියෙනව.

’’ මහණෙනි, ධර්‍ම සයකින් යුක්තවූ තැනැත්තා බණ ඇසීමෙන් කුශල ධර්මයන්හි තැන්පත්වූ නියම කළ දෙයට (නිවන් මඟට) බැසගන්නට හැක්කේ වෙයි.

1. තථාගතයන් වහන්සේ විසින් දන්නා ලද ධර්‍ම විනය දේශනා කරණ කල්හි අසයි
2. දෙසවන් යොමා අසයි
3. ධර්ම ශ්‍රවනයේ දී වෙනත් කරුණු හිතට නොගනී
4. අර්ත්‍ථයක්ම ගනිමින් අසයි
5. අර්ත්‍ථය සලකා බලයි
6. පිළිවෙලින් හා ඉවසීමෙන් යුක්ත වේ

මෙම ලක්‍ෂණ සයෙන් යුක්තවූ තැනැත්තා බණ ඇසීමෙන් කුශල ධර්මයන්හි තැන්පත්වූ නිවන් මගට බැසගනී.

සම්පූර්ණ සූත්‍රය කියැවීමට පිවිසෙන්න.
Pitaka.lk link -> https://ift.tt/2Cy6uTz

පෘථග්ජන සිත බෙහෙවින් කලබලකාරී එකක් බව අපිට විනාඩියක් කල්පනාකරන දේවල්ටික දිහා බලන් හිටියොත් දැනගන්න පුළුවන්. හැමවිටම අවුල්සහගත තැනක තමයි සිත තිබෙන්නෙ. කොහොම නමුත් හොඳින් ධර්මය ශ්‍රවණය කරන්න නම් මේ නොසංසුන් සිත පාලනය කරගෙන සංසුන් තැනකට ගේන්නම වෙනව. ඒ වගේම ධර්මය පදයක් පදයක් පාසා එහි අර්ථය විවරණය කරල මෙනෙහි කරලත් බලන්න වෙනව. මේ ධර්මය පිළිවෙලින් ගළපල බලන්න වෙනව මොකක්ද මට වැටහෙන්නෙ කියලා. මේ සියල්ල කරන්න නම්, ධර්මය දැන ගැනීමේ බලවත් ඕනෑකමක් ඇතිකර ගෙන ඒ අරමුණින්ම සංසුන් වූ සිතින්, නිදහස්ව ධර්ම ශ්‍රවනය කරන්න වෙනව.

ඉතින් මේ දේවල් බණ අහන වෙලාවට තමන් තුළත් ඇති කරගන්න උත්සහ කරන්න. නිර්වාණ මාර්ගයට යොමු වෙන්න ඉතාම ඉක්මනින්ම හැකියාව ලැබේවි ඒත් එක්කම. ඉතින් හැමදෙනාම කල්‍යාණ මිත්‍ර ඇසුර ධර්ම ශ්‍රවනය හා ප්‍රත්පදාවෙන් නිවන් මගට එන්න උත්සහ ගන්න. මේ පණිවිඩය මිතුරන් අතරේත් බෙදා දෙන්න.

තෙරුවන් සරණයි!!!

from Path to Nirvana https://ift.tt/3fnzTyC
ගමනක් යන විට, මඟ තොටදී යහපත් වැඩක් කරන විට, යම් වැඩක් ආරම්භ කිරීමේදී සෑම විටම ඔබේ මුවග තිබිය යුතු ගාථා රැල්ල.

from Path to Nirvana https://ift.tt/302JJ2s
සඟරුවනට දේශපාලනය සුදුසු නෑ……………..

නොයෙක් විට භික්ෂූන්ට නොයෙක් කරදර විඳින්නට නින්දා ලබන්නට ගුටි බැට කන්නට සිදු වන්නේ දේශපාලනයට යෑමෙනි. දේශපාලනය භික්ෂූන් වහන්සේලාට සුදුසු වැඩක් නොවේ. බුරුමයේ නම් භික්ෂූන්ට දේශපාලන වැඩවල යෙදීම නීතියෙන් ම තහනම් ය.

ගිහි ගෙය හැර පැවිදි වන්නේ එක් පවුලක් පාලනය කිරීමත් නිවන් දැකීමට බාධාවක් නිසා ය. පැවිද්ද ලබා ගන්නේ ද “සබ්බ දුක්ඛ නිස්සරණ නිබ්බාන සච්ඡිකරණත්ථාය” යනා දි වැකියකින් “සියලු දුකින් මිදුණු නිවන පසක් කර ගැනීම සඳහා මා පැවිදි කරන්නටය” කියා මහතෙර නමකගෙන් ඉල්ලීමෙනි. එසේ පැවිද්ද ලබා ගත් තැනැත්තා එය අමතක කොට රට ම පාලනය කරන්නට සූදානම් වීම බොහෝ දුරට නොමඟ යෑමෙකි. එය නුවණැතියන් ගේ සිනහවට කරුණෙකි.

බොහෝ දෙනා දේශපාලන වැඩට බසින්නේ ඒ වේලාවේ දී තමන් වැඩ කරන තැනැත්තාගෙන් යම් කිසිවක් ලබා ගැනීමේ හා ඔහුට ඒ පක්ෂය ට ජය අත් වුවහොත් අනාගතයේදී යම් කිසිවක් ලබා ගැනීමේ ආශාවෙනි. ලෝභ චේතනාවෙන් කරන එය අකුශල පක්ෂයට අයත් ය. භික්ෂූන්ට නොගැළපෙන ක්‍රියාවෙකි. රැස්වීම් වලට ගොස් විරුද්ධ පක්ෂයේ අයගේ ඇති ගුණ අවලංගු කිරීමත් මහත් ගුණ සුලු කොට දැක්වීමත් බණ පොත් වල “මක්ඛ” යන නාමයෙන් දැක්වෙන පව් කමය.

නොයෙක් අගුණ කියා නැති අගුණ ඇති කොට කියා පුද්ගලයකුට හෝ පක්ෂයකට පහර ගැසීමත් භික්ෂූන්ට නො ගැළපෙන පව් කමෙකි. පුද්ගලයකුට හෝ පක්ෂයකට වාසි ලබා දීම සඳහා ජනයා භේද කිරීමත් භික්ෂූන්ට කොහෙත් ම නො ගැළපෙන පාප ක්‍රියාවෙකි. බොරු සැබෑ මිශ්‍ර කර තමන්ගේ වාසියට කථා කිරීමත් භික්ෂුවට නො ගැළපෙන හීන ක්‍රියාවෙකි.

එක් පක්ෂයකට වැඩ කරන භික්ෂුව කෙබඳු කෙනකු වුවත් එය විරුද්ධ පක්ෂයේ අයට ඉතා අප්‍රිය ය. ඔවුහු ඒ භික්ෂුවගේ නම පවා හරියට කියන්නට, සුදුසු පරිදි හාමුදුරුවෝ, ස්වාමීන් වහන්සේ යන වචන යොදා කථා කිරීමට නො කැමැති වෙති. ගිහියන් ගැන කථා කරන්නාක් මෙන් භික්ෂුවගේ නම පමණක් කියා කථා කරති. සමහරු නමවත් හරියට නො කියා විකෘති කොට කථා කරති. සමහරු විසුළු නම් යොදා ගෙන කථා කරති. ඌ, අරූ, මූ, ඕකා, මේකා යනාදි ඉතා පහත් වචන වලින් ද භික්ෂුව ගැන කථා කරති. ඒවායින් දේශපාලක භික්ෂූන් නිසා බොහෝ දුරට සංඝ ගෞරවය ද පිරිහේ.

දේශපාලනයට යන භික්ෂූන්ට ඒ වේලාවට එයින් සුළුසුළු ලාභ ලැබෙන්නට බැරි නැත. එහෙත් එයින් බුදු සසුනටත් ගිහි සමාජයටත් ඉමහත් හානියක් බව කිය යුතු ය. භික්ෂු ගෞරවය නැති වී යාම භික්ෂූන්ගේ තත්ත්වය පහළයාම බුදුසසුනට වන හානිය ය. භික්ෂූන් වහන්සේලාට අගෞරව කොට අවමන් කොට ඒ පවින් අපාගත වීමට සිදු වීම බෞද්ධ ජනයාට වන මහා හානිය ය. එබැවින් දේශපාලනයෙන් වැළකී සිටින ලෙස සියලු ම භික්ෂූන් වහන්සේලා ගෙන් ඉල්ලමු.

(පරම පූජණීය රේරුකානේ චන්දවිමල මහානායක හිමිපාණන් වහන්සේ විසින් රිවිරැස පුවත්පතට ලියූ ලිපියක් ඇසුරෙනි.)